Tinan Nee Professores 260 Resin Sei Tama Iha Reforma

Tinan Nee Professores 260 Resin Sei Tama Iha Reforma

- in Edukasaun
380
0
opiniaun-profesor2_dner

DILI-Tinan ida nee professores hamutuk 260 sei tama iha reforma, tanba sira hetan ona notifikasaun, tanba sira tama ona idade 60.

Tuir Direitor jeral husi Ministeriu Edukasaun, Antoninho Pires dehan, professores sira neebe mak tama iha idade reforma ba tinan ida nee hamutuk 260 mak hetan ona notifikasaun ba reforma.

Purtantu duzentus e tal nee mak ami prepara ona, neebe apartir iha fulan Janeiru ida nee sira bele tama ona iha reforma, husi numeru nee hahu husi ensinu baziku ba too iha sekundaria jeral iha teritoriu laran tomak,” dehan Anotninho ba STL hafoin partisipa iha seremonia avaliasaun orsamentu 2016 no planu melloramentu servisu 2017 iha edifisiu INFORDEPE, Balide, Dili, Kuarta (11/01/2017).

Iha fatin hanesan Diretor edukasaun Munisipiu Baucau, Januario Cabral sublina, iha Munisipiu Baucau professor sira neebe mak atu tama iha idade reforma identifika ona iha hamutuk sesenta quatro pesoas.

Kestaun hanesan mos hatoo husi Direitor Edukasaun Munisipiu Dili, Duarte Braganca katak,   professor iha eskola Munispiu Dili rasik atu tama iha idade reforma hamutuk cinquenta e tal, tanba professor sira nee balun tama ona idade sesenta anos, no balun atu tama iha oetenta anos. Informasaun kompletu iha STL Jornal no STL Web, edisaun Sesta (13/1/2017). Jacinta Sequeira/Guilhermina Franco

Facebook Comments

Leave a Reply

Your email address will not be published. Required fields are marked *