Tinan 60 Resin IIlas Aitara Iha TL

Tinan 60 Resin IIlas Aitara Iha TL

- in Perfil
35
0
12122515_946089455461485_7216265282496112713_n

DILI-Santuariu Nosa Senora Aitara nian iha Soibada, iha fatin neebe furak tebes hodi atrai saran katolika sira hodi ba halo devosaun iha fatin nee. Ilas nain feto ou statua nosa senora Aitara nee halo iha Portugal, no iha tinan 1952   illas nee too iha TL, tanba nee, agora halo ona tinan 60 resin ezistensia illas nain feto Aitara TL.

Itoria konaba prezensa nosa senora Aitara nian iha fatin nee, laos foin hamosu iha tempu ukun aan, maibe liu husi faze ida neebe kleur tiha ona, permeiru hare husi serkustansia katak, iha Timor liu rai tolu maka boot, hanesan liu rai Atoni iha Oecusse, Lurai Motaiel no liu rai Samoro, tanba nee misionariu sira bain hira tama iha TL, uluk iha Atoni Oecusse, maka foin mai Dili, depois mai too iha Samoro, hodi haree mos fatin hodi halo misaun.

No iha tempu neeba misionariu sira mos buka hatene ukun no lisan rai Samoro nian, no iha 1897 nuda husi Maklou mai hari misaun no igreza neebe sei iha, no fatin ida nee Amu Lulik sira lori kruz Pauroza aiseria nee mai hatur iha fatin neebe maka tau inan Aitara ba nee.

Hau hanoin kruz neebe maka amu Lulik sira mai tau iha fatin nee, atu tenpu koresma sarani sira halo  Viasakra husi Igreza mai ba too iha kruz neebe amu sira hari hela ona nee, ho rajaun tanba fatin ida neebe tau dadauk Inan Aitara ba nee, uluk fatin nee rate zintiu nian, no fatin nee mos ema barak nia ran fakar iha fatin nee, no hari kruz iha rate zintiu nia fatin nee atu relebra Jesus nia sofrementu  iha foho kalvadi,”informasaun nee fo sai husi Pe Tiago Soares da Costa ba STL, Sabadu Semana kotuk, iha Soibada.

Tuir nia katak, bain hari tiha kruz iha fatin ida nee, mosu mos sinal ho ilas nain feto nian, iha hali hun nia tutun tanba nee, iha tinan barak nia laran fatin neebe tau dadauk nosa senora ba nee, sai duni hanesan Golgota Soibada Samoro ninian, no haree nafatin sinal ilas ida nee maka, amu lulik sira hasai foto grafia hodi halo ilas nain feto Aitara ninian hodi mai hatutr iha fatin ida nee too ohin loron.

Amo nee mos afirma tan katak, tuir itoria neebe maka iha katal, hali hun neebe maka uluk illas nain feto hatudu aan ba nee, hali nee hun nee konesidu tebes tanba ema barak nia ulun maka lori mai tara iha hale nee, no fatin nee mos uluk sai hanesan rate zintiu nian, tanba nee maka bain hira illas nain feto nee mosu, hodi tau naran nain Feto Aitara, Aitara tanba ema barak nia ulun maka tara duni iha hale neebe nosa senora nia illas hatudu aan ba nee. Tanba nee maka tau naran Nosa senora Aitara.

No iha tenpu neeba Ferik ida mos mai husu bee ba nia feto maluk ida iha tenpu bai loron, no foto maluk nee fo tiha bee ba ferik nee hemu, derepente deit ferik nee lakon tiha, ida nee hanesan mos sinal ida tanba nee iha Aitara laos atu sai Golgota maibe nain feto aitara nia kadunan santu ona.

Tanba nee iha tinan 1926 Amo sira tau fatuk moruk hodi hari kapela kiik ida nee, ba nain fetoi aitara no prosesa lori mos illas nee ba Portugal hodi cetak nain feto Aitara ninia Ilas ida neebe hamrik dadauk iha fatin nee, no neebe ba cetak iha Portugal nee too iha TL iha tinan 1952.

Kroa neebe oras nee oras nee dadauk tau hela iha, Nosa senora Aitara nia ulun nee, Liu rai Timor oan sira maka fo sira nia osan mean hodi halo kroa nee hodi tau ba nain feto nia ulun too agora.

No iha tinan 1975 peregrinasaun ultima iha Portugue ninian, no iha 14 de Agostu sarani sira husi fatin fatin neebe, oan sira eskola iha nee (red Soibada) mai halibur iha nee, hodi halo prosesaun husi Aitara hodi tun ba iha igreza no 15 de Otobru halo fali prosesaun husi Igreza hodi lori mos Inan Aitara nia illas mau tau iha Kapela ida nee.

No iha tinan 1975 funu mai illas Nain feto ida nee husik hela iha fatin nee, maibe Saudozu Nicolau Lobato ho nia familia siramai hasai tiha illas nain feto nee husi kapela ida nee hodi lori ba, rai ida naran Peteu kuak no illas nee familia sira nee koidadu hela hela iha Peteu Kuak too tinan 1978 maka familia sira nee lori hikas fali Ilas nain feto Ai Tara nee mai tau hikas fali iha nia fatin kapela ida nee.

Atu hateten deit katak, Prezensa illas nain Feto Aitara nian iha TL laos foin maka ukun aan nee, maibe nia lao deste tempu beiala sira nian, too mai iha tempu Indonesia nian, no ikus mai iha okupasaun Indonesia nian maka, uma kareda halo orsaun konaba paz iha rai Timor.

Liu husi orasaun ba paz iha rai Timor nee, atu husu tulun ba inan hodi halo ema sira nee fila hikas ba ida idak nia rai, hodi kuda no hadia hikas fali sira nia plantasaun ho nunee sira bele moris hanesan mos ho Nasaun sira seluk, no liu husi orasaun nee atu halo mos preasaun ba uma kareda, liu liu amo lilik sira no Amo Papa sira, harohan atu duni ema sira nee sai husi Rai Timor,”istoria nee konta husi Pe Tiago Soares da Costa.

Orasaun ba Paz nee reza too iha tinan 1999, tanba nee maka iha momentu neeba Soibada sai hanesan garis mean, maibe ho prezensa Ilas nain feto nian, garis mean nee bele fila ba tomak nafatin, no povu iha fatin ida nee mos ida la mate, tanba koramil balun hakarak hakotu ema seluk nia vida, maibe koramil balun la hatan tanba Soibada hanesan fatin santu, tan nee ema ida labele mate tanba nain feto kaer metin ema hotu nia liman.

Tuir Pe nee katak, hahu husi tinan 1926 too ohin loron TL selebra ona tinan 92 ezistensia kapela Aitara, neebe determina ba nain feto Aitara.  No iha tinan 90 nia laran kapela Aitara ida nee inagura,  Ilas nain feto ou statua nosa senora Aitara nee halo iha Portugal, no iha tinan 1952   illas nee too iha TL, tanba nee, agora halo ona tinan 60 resin ezistensia illas nain feto Aitara iha TL. No ezistensia kapela ba nain feto nee, halo ona tinan 92, no tinan 90 ona halo inagurasaun ba kapela nee.

Nai feto Aitara neebe foti husi kreda, no nai ulun TL nian hodi sai Mahein, ba Santuariu Nasional TL nian, foin halo tinan 16 neebe, selebra iha loron 16  fulan Otobru, no tinan ida nee iha segundu domingo de Otobru nian, neebe halao iha loron Sesta, Sabadu no Domingu. Madalena Horta/Guilhermina Franco

Facebook Comments

Leave a Reply

Your email address will not be published. Required fields are marked *