Tinan 10 CNRT Haris Tahu, Agora Husik Partidu Seluk Kaer Ukun

Tinan 10 CNRT Haris Tahu, Agora Husik Partidu Seluk Kaer Ukun

- in Nasional
204
0
ponte-komor-iii

DILI– Tinan 10 ona partidu (Congresu Nasional Rekonstrusaun Timorense) Cnrt haris tahu, tanba durante nee CNRT konvida partidu seluk maibe, ba iha kampana partidu hotu fase deit CNRT ukun ladiak.

Liafuan hirak nee hatoo husi Deputadu CNRT Cesar Valente ba STL Tersa (08/08/2017) iha Parlamentu Nasional hatete, haree ba situasaun ida nee preokupadu, liu-liu ba partidu sira neebe mak hetan asentu parlamentar, hanesan deputadu husi partidu bankada parlamentar  CNRT absolutamente hakruuk ba desizaun komferensia nian.

Hau orgulu haree ba desizaun no rezolusaun komferesista sira hodi foti para deside pozisaun partidu nian. Tanba nee ami membru sempre fo hanoin hodi foti desizaun ba opozisaun, tanba tinan 10 nia laran partidu CNRT haris tahu, neebe agora fo fali ba maluk sira neebe mak durante nee kritika deit katak lahalo buat ida,” katak Deputadu Cesar Valente.

Nia hatete, ida nee mak demokrasia iha partidu nia laran, nee hatudu katak partidu solidu foti desizaun partidu nee hamriik desizaun hotu sempre rona iha komferensia nia laran. Iha ema balu hatete katak maun Xanana hanesan Suharto nee lae, tanba durante, tanba Cnrt pratika demokrasia.

Nunee mos Deputadu Bankada PD Paulino Monteiro hatete, haree ba dezenvolvimentu durante tinan 10 resin nia laran governu ida neebe mak ho nia strutura boot, maibe iha buat barak seidauk lao ida nee tanba impaktu mos husi Orsamentu Jeral Estadu (OJE), no mos impaktu mos ba servisu neebe mak lao. Guilhermina Franco / Jacinta Sequeira

Facebook Comments

Leave a Reply

Your email address will not be published. Required fields are marked *