Timor Respeitu Prosesu Judicial Indonesia

Timor Respeitu Prosesu Judicial Indonesia

- in Nasional
48
0
IMG_8150

DILI– Relasiona Ho Timor Oan nain rua feen laen (kasal) neebe mak Alfandega Atambua kaer lori droga oras nee tuir prosesu investigasaun iha Indonesia , Prokurador Geral Da Republika Jose Da Costa Ximenes dehan nia mos hasoru malu ho Ministru Justisa Indonesia, maibe prosesu tomak timor nafatin respeitu justisa Indonesia nia.

Kestaun nee hatoo husi Prokurador Geral Da Republika Jose Da Costa Ximenes ba jornalista wainhira hasoru malu ho Prezidente Republika Francisco Guterres Lu Olo hodi imforma servisu neebe mak durante nee nia halo ba vizita Ministru Justisa Indonesia.

“Ohin dia 22 jullu enkontru ho Prezidente Republika hanesan ita boot sira hatene nee enkontru mensal neebe sempre prokurador jeral halo ho Prezidente Republika pontu premeiru informa hela ba Prezidente Republika konaba vizita ba jakarta iha dia3 de jullu hasoru malu ho Ministru Justisa Indonesia nia hodi koalia oituan konaba assuntu koperasaun timor leste ho indonesia nia iha ambitu penal ” katak Prokurador Geral Da Republika Jose Da Costa Ximenes ba jornalista iha Palacio Prezidensial Bairo Pite Dili Segunda (22/07/2019).

Prokurador Geral hatutan iha hasoru malu nee koalia espesifiku konaba sidadaun nain rua neebe mak iha Indonesia nia dehan ba autoridade indonesia katak timor respeita justisa indonesia nia lao hela,  dehan mos katak timor nia prosesu mos lao hela ba relativamente ba ema sira neebe mak Indonesia  sira kaer tanba sira neeba mak autor principal.

PGR hatutan Wainhira enkontru ho justisa indonesia ejeje mos koperasaun entre timor leste ho nasaun sira iha Asean no australia nee importante tebes.

Jose Dehan Faze nee agora inicio konkore para atu profunda lai investigasaun depois mak ita koalia ba oin tanba timor leste laiha estradisaun ho indonesia no laiha koperasaun materia penal no laiha transferensia kondenadu indonesia no asea laiha. “Arguido iha kualker pais Ministerio Publiku mak akuza indepedentemente akuzasaun lao hela tanba nee mak PGR labele nomea ema ida ba iha neeba” katak nia.

Nia hatutan Ministerio Publiku ho PNTL Timor Leste mos haree tok oinsa aprofunda hamutuk investigasaun tanba Lei Timor Leste ho indonesia ratifika hotu konvensaun internasional konaba krime tras_nasional katak bele troka informasaun ba malu para haree boa administrasaun judisiaria nia hodi haree diak liu haruka mai Timor leste ou iha indonesia nee depende ba aprofundamentu investigasaun mak deside.

“Ita mos haree sasan sira nee mai husi timor sai ba nasaun seluk ita halo avaliasaun iha sistema ita mos halo avalisaun ba ita nia airportu ita nia aiportu nee fasil liu kontrola nee ema ba tiha fatin seluk ema lao livre liu, sasan too tiha neeba mak ita hakfodak diak liu autoridade seguransa sira hanesan PNTL ka alfandega neebe mak iha neeba diak liu halo double pemeriksaaan ita haree iha Indonesia ema halo pemeriksa aan dala ruma dala tolu mak ema liu tanba nee mak autoridade idak-idak haree ona ida nee” Tenik Jose.

Nunee mos Prezidente Republika Fracisco Guterres Lu Olo dehan Timor Leste ho nasaun indonesia nee nasaun neebe mak vizino tanba nee mak iha pontu de vista rua nee oinsa mak bele servisu hamutuk atu halo profundu iha investigasaun depois faze tuir mai mak haree ba oin.

Xefi Estadu mos dehan Nasaun Timor Leste mos presiza respeitu sistema judisiario nasaun Indonesia nia iha prosesu investihasaun ba kazu kazal nain rua husi timor nia tamba ohin loron nasaun rua seidauk iha akordu estra ordinaria.

Nunee Mos Koordeador Ronetil Laurentino Alves hatutan governu mos presiza kria lei estradisaun atu nunee wainhira kriminozu sira halai ba ema nia rai bele haruka fila , agora timor leste seidauk iha lei estradisaun kriminozu sira halai sai mos timor leste labele koalia buat ida hanesan kazu boy ho Emilia pires.

Nia mos husu Governu Timor Leste mos esforsu atu nunee bele halo koordenasaun ho Indonesia atu bele haree mos ba sidadaun timor leste nain rua neebe mak oras nee detein iha Indonesia.

Komentariu

Facebook Comments

Leave a Reply

Your email address will not be published. Required fields are marked *