Timor Oan Presiza Sai Masin Naroman Mundu Nia

Timor Oan Presiza Sai Masin Naroman Mundu Nia

- in Krime
60
0

DILI_ Atu sai masin no naroman mundu nia laos joven deit maibe timor oan tomak atu nunee bele fo meer no midar no naroman ba ema hotu.

Tuir Padre Herminio katak ohin loron sidadaun ou sarani barak mak moris latuir Doutrina nain maromak nian hakarak hanesan moris ho bosok no falsifikasaun dokumentus barak tanba nee mak timor oan tomak presiza halo tuir lia fuan Amo Papa katak sarani tenke sai masin no naroman mundu nia.

“Laos joven deit mak sai naroman masin rai nia maibe povo timor laran tomak presiza sai masin rai nia no naroman masin mundu nia tanba iha mundu iha buat oin oin falsifikasaun deklarasaun falsu tanba nee mak joven presiza sai masin naroman mundu nia” katak Padre Herminio De Fatima Goncalves Ba STL Iha Palacio Prezidente Bairo Pite Dili Segunda (22/07/2019).

Padre dehan timor oan presiza sai masin katak masin nee maske oituan maibe bele hamer no hamidar iha ema barak nia ibun nunee mos naroman mundu nia katak maske naroman kiik maibe bele fo naroman ba ema barak tanba nee mak ema hotu presiza sai masin no naroman mundu nia.

Iha fatin hanesan Jose Antonio De Jesus Neves Samalarua hatutan iha kestaun justisa sai kestaun laos iha timor deit maibe iha mundu tomak tanba nee mak presiza esforsu atu bele promove justisa e paz labele haketak malu.

“Justisa sai kestaun iha mundu tomak laos iha timor deit tanba nee mak husu ita hotu nia esforsu atu bele promove justisa no justisa e pas nee labele haketak malu laiha pas injustisa e justisa labele produs buat seluk selae alende por espasu laos sosiedade tomak nee misaun permanente sosiedade tomak inklui media ou jornalista sira hotu atu kontribui justisa iha timor” katak Samalarua.

Samalarua hatutan nia haree ohin loron buat barak seidauk ekilivru “Ita nia observa ba sosiedade nee rasik mak iha buat barak seidauk ekilivradu justisa los kestaun ekilivru justisa nee kestaun direitu saida mak partense ninia nee ninia no saida mak partense hau nia nee hau nia iha igreza fo ba sejar saida mak sejar nia no saida mak maromak nia nee maromak nia laos ekilivru no laos maromak ho sejar hanesan” katak nia

Nunee mos Padre Jose Soares hatutan timor oan sira presiza hadomi malu no respeita malu iha sosiedade nia leet no joven sira mos hadook aan husi hahalok aan aat sira hanesan odio malu ou baku malu maibe joven presiza hatudu atitude neebe mak diak no hatudu ezemplu nia atu bele prepara aan diak liu ba iha fuituru oin mai.

Joven mak futuru nasaun tanba nee mak joven prepara aan hahu agora, atu nunee wainhira hetan oportunidade joven preparadu ona, maibe joven kakutak nakonu ho kriminozu mak sei lakon futuru diak iha tempu ikus mai. Emerenciana pinto

 

Komentariu

Facebook Comments

Leave a Reply

Your email address will not be published. Required fields are marked *