Timor Oan Okupa Primeiru Lugar

Timor Oan Okupa Primeiru Lugar

- in Desportu
2985
0
bike-wine-tour

Timor Leste mak sai uma nain ba iha atleta Marathon internasional 2017 iha Dili neebe halai iha kategori full 42 km mane no feto Timor oan okupa hotu iha primeiru lugar nee hatudu katak Timor oan mos bele.

Tuir Romenio De deus Maia hateten nia sente sente orguillu tebes sai primeiru Lugar iha eventu nee, maibe iha tempu nee ho manas, nia esforsu an katak Timor Leste mos bele. Maske eventu internasional maibe Timor oan mos sai nudar atleta ida internasional.

Hau mos esforsu an katak hau mos bele, needuni Timor oan mos tenke hatudu ba mundu internasional katak ita mos bele. Neebe atleta Romenio halai lalais ho oras 02.26 menit, 47 detik,”dehan atleta Romenio ba STL iha Palasiu Governu, Sabadu (19/08/2017).

Depois lahaluha hatoo hau nia agradese ba nia treinador neebe durante nee akonpaina nia iha terenu hanesan halai sae foho tun foho no halai tama mota kuak ai kuak  no rai nakukun no udan no loro manas no nia treinador sira nunka husik nia  mesak.

Hanesan bibi atan ida karik tuir nia durante iha fulan sanulu nia laran nomos sempre akonpaina iha oras sai no oras tama maske lahare ba udan boot no loro manas maibe sira iha vontadi no disiplika hodi tuir treinamentu neebe hatudu rezultadu TL sai nudar premeiru lugar iha eventu Dili marathon 2017.

hau mos agradese mos ba familia tomak maske durante fulan sanulu hau nunka besik sira no hadook an husi sira tanba hakarak sai ema nebe diak non konesidu entaun hau tenki husik familia sira para hau bele focus ba hau nia terenu nee, signifika laos atu husik no haluha sira maibe familia sira sempre iha hau nia fuan.

Ida nee mak liu husi hau nia esforsu an tomak no treinador nia motivasaun mak ohin loron sai premeiru lugar ba iha eventu Dili marathon 2017. Nomos familia sira rona no hare hau ohin sai primeiru lugar ba iha eventu ida nee hau sente sira mos kontente tebes bainhira sira hare hau mak sai vensedor ba iha eventu ida nee.

Iha eventu Dili marathon 2017, 42 km mane nebe okupa iha segundu lugar husi atleta internasional Kenya Stephen ho oras 02.33 menit 12 detik no terseiru lugar okupa husi Timor oan Jeferino hop oras 02.43 minit 37 detik.

Iha fatin hanesan atleta Feto Nelia Martins hateten uluk nanain hau agadese ba Aman Maromak nomos ba hau nia treinadora Odete Belo nebe durante nee fo treinu hau, no hau sente orguilhu tebes tanba eventu nee hahu partisipa ba dala rua nian, ida ohin nian hau hetan primeiru lugar hau sente ho orguilho tebes.

Tanba hau nia preparasaun diak ba iha eventu nee ho loron naruk nemak ohin loron hau bele hetan no okupa iha premeiru lugar. Maske ami nia treinu nee hasoru ho dezefius buat barak maibe nafatin esforsu an no lahare ba iha tenpu hanesan kalan no loron manas,udan. Ami sempre fo ami nia an ba iha tempu terenu nian.

Iha futuru mai sei fo ami nia tenpu hodi tuir terenu nee atu bele preparasaun ho diak liu tan atu bele hein fali eventu nebe sei tuir mai. no ami sei hadia baut nebe ma kami nia frakeza liu-liu iha oras nian atu nunee bele iha future mai bele halai ho ras minimu liu tan.

Nunee mos treinadora atleta Odete Belo hateten “hau sente orguilhu ba hau nia atleta sira nebe mak ohin hatudu sira nia rezultadu ho diak sai hanesan premeiru lugar ba iha 42 km nian. ida nee hanesan liu husi ami nia esforsu nebe iha terenu mak ohin loron hatudu duni katak Timor oan mos bele nee hanesan reprejenta nasaun Timor leste nina. Nomos parabens ba atleta sira liu-liu ba iha Timor oan sira no atleta internasional sira nebe mak fo ona sira nia tempu mai tuir eventu ida nee. EST 3

Facebook Comments

Leave a Reply

Your email address will not be published. Required fields are marked *