Tetun-Portugues Prioridade Ba UNPAZ

Tetun-Portugues Prioridade Ba UNPAZ

- in Edukasaun
92
0
opiniaun-profesor2_dner

DILI-Programa hanorin lian Tetun no Portugues sai prioridade ba iha estudantes Universidade da Paz (UNPAZ), nee duni sira buka oinsa atu dezenvolve lian ofisial rua nee diak liu iha futuru.

Kestaun nee  fo sai  husi Luis dos Santos, nuudar  dosente  UNPAZ katak lian Tetun nee tenke dezenvolve ba oin, tanba  parte governu ninia mos ejize dosente no professor sira tenke  uza lian Portugues iha prosesu aprendizajen ba estudante sira, maibe labele dezenvolve deit Portugues, oinsa mak  ba oin estudante sira  mos atu bele dezenvolve diak liu tan lian rua nee  iha futuru.

Hau hanoin  ita tenke  dezenvolve duni ita nian lian Tetun, tanba ita hotu hatene katak,  oras nee dadaun governu liu husi Ministeriu Edukasaun  sempre  fo formasaun lian Portugues ba dosente no professor sira, atu nunee bele domina diak liu tan lian refere, maibe hau husu atu ita hotu presiza  promove mos Tetun,”dehan Luis ba STL  liu husi mensajen, Segunda  (09/10/2017).

Iha  parte  seluk, Francisco Mariano  dos  Santos, hanesan dosente  lian Tetun iha  UNTL hatete, Tetun nee sai hanesan lian ofisial, ho razaun ida katak, ema ida-idak presiza tau nia aan iha nasaun ida nee, para  bele dezenvolve diak liu tan  lian ida Tetun  ba aban bain rua ninia, tanba sa, tanba Tetun nee obrigatoriu, se karik ema ida-idak  mak  iha  hanoin diak ona, para atu bele koalia Tetun ho diak, tuir Tetun padraun nasional neebe mak  dezenvolve ona.

Ita haree didiak tanba Tetun nee sai hanesan lian ofisial, ho razaun ida katak, ema ida-idak presiza tau nia aan iha nasaun ida nee, para bele dezenvolve diak liu tan  lian ida Tetun  ba aban bain rua ninia, tanba sa, tanba Tetun nee obrigatoriu, se karik ema ida-ida mak  iha  hanoin diak ona, para atu bele koalia Tetun ho diak, tuir Tetun patraun nasional neebe mak  dezenvolve ona, agora livru Tetun nee too ona iha baze,”dehan nia

Nunee mos Direitor Jeral  husi ME, Antoninho  Pires, hatete, ema hotu hatene katak, Timor ninia lian ofisial mak Tetun no Portugues, maibe oinsa mak  estudante sira atu  bele dezenvolve diak liu tan  lian ofisial rua nee iha sira nia  prosesu aprendizajen lor-loron iha eskola, tantu  estudantes  iha sekundariu ba too iha universidade, sira mak  tenke estuda, para  bele uza Tetun neebe mak  tuir padraun nasional ninia.

“Hau  hanoin  ema hotu hatene katak, Timor ninia lian ofisial mak Tetun no Portugues, maibe oinsa mak  estudante sira  atu  bele dezenvolve diak liu tan  lian ofisial rua nee iha sira nia  prosesu aprendizajen lor-loron iha eskola, tantu  estudantes  iha sekundariu  ba too iha universidade,”dehan nia. Jacinta Sequeira

Facebook Comments

Leave a Reply

Your email address will not be published. Required fields are marked *