Teste Promosaun Deviza Laiha Diskriminasaun

Teste Promosaun Deviza Laiha Diskriminasaun

- in Metro
155
0

Dili- Komandante Jeral Polisia Nasional Timor-Leste (PNTL), Julio da Costa Hornay dehan, teste Promosaun devisa laiha diskriminasaun. Tanba nee, husu atu membru sira labele halo lamentasaun ba iha membru Parlamentu Nasional (PN), no Governu.

Komandante Jeral Polisia Nasional Timor-Leste (PNTL), Komisariu Polisia, Julio da Costa Hornay hatete husu membru PNTL sira neebe tuir teste promosaun devisa atu labele hatoo lamentasoens ba iha Parlamentu, labele lamenta ba Governu, tanba komandu iha presidente komisaun promosaun devisa.

Sira diak liu ba husu tuir iha komisaun, sira iha direitu de rekursu, kuandu naran sai ona mak sente ladun satisfeitu hasai rekursu para atu bele hatene tuir para bele hetan esplikasaun, se ita lamenta ida nee ba iha nai ulun parlamentu sira, nai governante sira mos la resolve problema, Tanba sistema lalaok mak hanesan nee, ami mos la brani viola regras neebe kria ona no aprova atu implementa,” dehan Julio ba Jornalista iha Sentru Formasaun Polisia Comoro Dili, Tersa (26/2/2019)

Tanba nee, sente la dun satisfas iha komisaun para atu halo protesta. Tanba, maske sira ba hatoo iha parlamentu mos sira (PN) sei haruka fila fali mai komandu hodi esplika ninia regras sira hotu.

Sira sei hatoo mai Ministeriu Interior para atu bolu ami ba hodi esplika, ami lori ho Ministru ba esplika iha parlamentu, mais laiha dalan seluk so komisaun mak bele esplika,” dehan nia

Enkuantu antes nee, Komandante Sentru Formasaun Polisia Nasional Timor-Leste (SF-PNTL), superintendente Polisia, Arquimino Ramos hatete teste ba promosaun devisa Polisia Nasional Timor-Leste liu husi dalan transparante.

Nia dehan, komisaun promosaun devisa nee la’o bazeia ba diploma ministerial numeru 35/2018 para oinsa mak loke konkursu ba inspector sira. Tanba nee mak sira klase sarjentu neebe too ona tinan hat ba leten sira iha ona direitu atu kompete. fulan Marsu sei halo teste fisiku, no psikolozia inklui izame medika ba konkorente sira. Notisia kompletu lee iha jornal STL edisaun Kuarta (27/02/2019).  Lucia Ximenes

Komentariu

Facebook Comments

Leave a Reply

Your email address will not be published. Required fields are marked *