Terminal Ferry Hariku TL

Terminal Ferry Hariku TL

- in Economics, Politics
70
0
image002

Editora: Carme Ximenes

DILI-Governu Timor Leste, liu husi Ministeriu Transporte Komunikasaun, inagura projetu realokasaun terminal Ferry, neebe sei uza hodi hariku povu Timor Leste.

Liu husi diskursu Vise Ministru Negosiu Estranjeiru Asuntu Parlamentar Japaun, Norihiro Nakayama hatete, nia sente agradese ba servisu hamutuk entre governu ho Japaun, hodi halo dezenvolvementu iha area  kontruksaun terminar Ferry  portu Dili  ho diak.

Nia mos iha esperansa katak, ho portu foun nee, bele promove no dezenvolve diak liu tan povu nia atividade.

Hau hanoin infraestrutura projetu terminal Ferry iha portu Dili nee sei utiliza ho masimu, atu hariku vida povu Timor Leste nian no promove Dezenvolvimentu Nasional, dehan Norihiro liu husi diskursu, bainhira halo inagurasaun projetu terminal Ferry, iha Portu Dili, Kuarta (15/01/2020).

Norihiro hatete, governu Japaun fiar katak ba oin governu rua sei halo kooperasaun servisu bilateral diak liu tan, hodi promove povu nia dezenvolvimentu iha pais ida nee.

Iha fatin hanesan Ministru Transporte Komunikasaun  Jose Agostinho hatutan, projetu terminal Ferry nee realiza tanba hetan apoiu orsamentu husi governu Japaun, liu husi akordu neebe  asina iha tinan 2016 nia laran.

Hau kontente tanba infraestrutura nee lao tanba halo ho ekipamentus japanes nian, neebe ho kualidade no padraun aas liu,tanba nee ita nia kooperasaun ho Japaun hanesan pasu ida atu hametin lasu amizade  entre Timor Leste ho Japaun, dehan Ministru transporte.

Tuir nia katak, konstrusaun ida nee sai ezemplu furak ida ba kontribuisaun enjenaria, hodi hadia kualidade infraestrutura no istalasoens, tanba transporte no  infraestrutura maritima  mak sai hanesan ponte hodi unifikano hametin  ita nia nasaun.

Ita nia esforsu ba dezenvolvimentu maka trazisaun ekonomia neebe iha balansu  ladun depende ba resetas  husi mina no gas, ita bele halo ida nee liu husi rede diak ba serkulasaun povu iha merkaduria, dehan Ministru nee.

Tanba nee nia dehan, governu  mos hanoin ona atu transforma  portu kargus Dili ba  komunikasaun maritima, neebe sei uza ba pasajeiru nasional no Internasional, nee sei sai pontu prinsipal ba asesu pasajeirus no viaklus neebe tama sai iha Dili no  tasi.

Nunee mos Prezidente Aportil Flavio Carvalho Neves hatutan, agradese ba governu Japan neebe durante nee fo ona nia kontribuisaun hodi finalize projetu terminal Ferry iha portu Dili, neebe ho kualidade neebe diak.

Ohin ita mai hamutuk iha nee hodi halo inagurasaun, hatete Flavio.

Entretantu konstruksaun terminal Ferry halao husi kontraktor Japoneze Thobishima Corporation no Supervijionadu husi Japan Port Konsultan, Lda and Ides Inc, ho  valor orsamentu biliuan yen 2.197 ( dolar USD 21 milloens), ho durasaun konstrusaun hahu iha 6 Junllu too 31 Marsu 2019.

Terminal ro nee ho naruk metru 100 no luan metru 20, neebe bele akomoda ro pasajeiru rua durante oras 24 nia laran no asesu dalan ho medida metru 55×52, inklui mos fasilidade sira seluk hanesan iluminasaun, fornesementu bee, fornesementu energia, torneira hamate ahi no ekipamentu ba seguransa.

Partisipa iha Inagurasaun terminal Ferry nee mak Eis Prezidente Republika, Jose Ramos Horta, eis Vise Ministru Obras Publiku, Inacio Moreira, funsionariu Aportil, funsionariu MTK inklui mos Jica.

Hametin Relasaun Ho Japaun

Iha parte seluk Vise Ministru Asuntu Parlamentares Negosiu Estrangeiru Japaun Nakayama Norihiro, hasoru malu ho Primeiru Ministru (PM) Taur Matan Ruak, hodi hametin relasaun nasaun Timor Leste ho Japaun.

Ohin Vise Ministru Parlamentar Negosiu Estrangeiru Japaun hasoru Primeiru Ministru, hodi kolia kona ba relasaun entre nasaun rua nee, dehan Diretor Jeral Asuntu Bilaterais Domingos Sabio, ba jornalista sira, iha palasiu governu, Dili, Tersa (14/1/2020).

Nia dehan, relasaun entre nasaun Timor Leste ho Japaun desde kedas iha tinan 1942, enkuantu Japaun mai iha Timor no ate agora relasaun entre nasaun rua nee nafatin lao diak.

Timor Leste e sempre ajuda Japaun iha Nasoens Unidas, iha area oi oin, hanesan Japaun atu sai konsellu permanente iha konsellu seguransa Nasoens Unidas nian, nia esplika.

Nunee mos Japaun kuandu kandidatu an ba organizasaun Nasoens Unidas no organizasau sira seluk Timor Leste sempre apoiu sira.

Alende nee diretor jeral relata, iha sorumutu nee kolia mos kona ba Japaun nia kontribuisaun, atu halo aeroportu iha Nikolau lobato no mos aban bainrua atu haruka Timor oan balu atu ba serbisu iha Japaun. Madalena Horta/Jacinta Siquera/ESTI-01

 

 

Komentariu

Facebook Comments

Leave a Reply

Your email address will not be published. Required fields are marked *