Tenke Tau Importansia Ba Professor

Tenke Tau Importansia Ba Professor

- in Edukasaun
3531
0
opiniaun-profesor2_dner

DILI – Funsaun importante husi professor mak atu eduka no akompana estudantes, neebe husu ba parte hot-hotu inklui inan aman presiza respeita no tau importansia boot ba sira.

Tuir Direitor husi Escola Secundaria Jeral (ESJ) no 4 de Setembru Balide, Alberto Braz, iha eskola ESJ ladun infrenta konaba kazu violensia, maibe antes iha segunda periodu ninia nee mak problema oouituan, tanba estudante sira baku malu, inan aman mak mai iha eskola, neebe sira ho sira mak baku malu.

Ami professor nia knar nee atu hanorin no eduka nomos halo akompanamentu ba buat hotu, tanba nee, tenke tau importansia ba professor sira, oinsa mak atu tau inan aman iha fatin no professor iha fatin, karik mosu problema ruma, presiza iha koordenasaun ba malu entre eskola ho inan aman estudante sira nian,”dehan Braz ba jornalista iha nia knar fatin Balide Dili, Segunda (16/10/2017).

Iha sorin seluk Adjuntu Direitor Eskola Sekundariu Cristal, Bernardo de Araujo hatete, jeralmente konaba violensia entre professor no estudantes nee laiha, tanba husi Ministeriu no sira nian fundasaun sempre fo orientasaun katak, labele baku no duni estudante sira. No kuandu estudantes halo aktu krime iha liur, ida nee laos kompetensia eskola nian.

Foin dadaun husi parte Polisia halo sosializasaun mai iha eskola ida nee, bainhira hatais farda halo aktus ruma iha eskola, entaun eskola bele haree no rezolve, maibe iha estrada laran, nee kompetensia polisia nian,”salienta nia

Nia hatete, tinan oin tuir dekretu lei, bainhira estudante sira ho farda eskola  iha liur, sei kaer  fo sansaun, bolu inan aman, maibe bainhira inan aman la mai, eskola sei entrega ba iha polisia, tanba nee, tenke  tau aas  professor sira.

Nunee mos Antonio Gomes, hanesan estudante terseiru ano husi ESJ no 4 de Setembru hatete, estudante tenke respeita professor sira, tanba knar professor nee ema edukador ida neebe mak fo ninia dedikasaun tomak atu hanorin estudante sira, fo ezemplu karik, bainhira professor hanorin, depois estudante ida rua la rona, no sai tama iha sala laran, ida nee estudante sira hatudu atitudi ida neebe mak ladun diak ba professor sira. Jacinta Sequeira

Facebook Comments

Leave a Reply

Your email address will not be published. Required fields are marked *