Tenke Redus Kiak

Tenke Redus Kiak

- in Nasional
16
0
joao-goncalves

DILI-Dadus hatudu husi tinan 2012 too ohin loron, rendimentu  povu nian tun bebeik, tanba nee governu tenke redus numeru kiak iha rai laran.

 Eis Ministru ekonomia dezenvolvimentu, Joao Goncalves hatete, uluk bainhira  ninia mandatu iha kuatru governu, nia simu numeru kiak iha TL makas tebes kuaze 49,9%, maibe sira konsege redus  too 32% no agora iha mudansa boot kiak kontinua sae fali ba 40%, tanba nee governu tenke hare.

Hau nia mandatu iha kuatru governu  simu numeru kiak iha TL nee makas tebes kuaze 49,9%, maibe  ami  konsege redus too 32%, no agora iha mudansa boot kiak kontinua sae fali ba 40%, tanba nee husu ba governu atu  haree dadauk ona, tanba nasaun depende makas ba investimentu publiku, dehan Joao ba STL, iha Palasiu Governu , Kinta semana nee.

Tuir nia katak, atu redus numeru kiak iha rai laran, governu tenke buka dalan hodi dezenvolve setor produtivu sira, neebe mak too oras nee sei abandona hela.

Iha parte seluk Prezidente Camara Comersiu Industria TL (CCI-TL) Oscar Lima hatutan, setor privadu rai laran prontu atu servisu hamutuk ho governu hodi redus numeru kiak iha rai laran, karik parte rua nee la koopera malu mak, defisil tebes nasaun ida nee atu lao ba oin.

Hau hanoin atu redus numeru kiak iha rai laran mak, tenke loke kampu serbisu ba Timor oan sira, no atividade hotu hotu tenke lao diak, hatete Oscar.

 Nia dehan, atividade iha foho tenke iha no ema hotu labele mai butuk deit iha kapital Dili, tanba pratikamente ekonomia lao iha Dili laran makas tebes. Madalena Horta

Komentariu

Facebook Comments

Leave a Reply

Your email address will not be published. Required fields are marked *