Tenke Koalia Lian Portugues Iha Sala Aprendizajen

Tenke Koalia Lian Portugues Iha Sala Aprendizajen

- in Edukasaun
3580
0
kondisaun-eskola

DILI-Relasiona ho formasaun neebe mak durante nee halao husi Ministeriu Edukasaun e Kultura  (MEK), liu husi infordepe ba professor sira, tanba nee, tenke koalia portugues iha sala prosesu aprendizajen ba  estudante sira.

Tuir Reitor Insitute Superior Cristal (ISC), Sebastiao Perreira, dehan, agora dadaun institute ida nee uza lian ofisial tetum no portugues iha prosesu aprendizajen, tanba politika Ministeriu nian fo formasaun lian portugues nee, para professor ida-idak atu bele esforsu aan estuda, hodi bele aprende diak liu tan lian refere, maibe agora dadaun dosente sira iha institute ida nee, aprende dadaun ona lian portugues, espera katak, ba oin sira bele iha koinesementu ida neebe mak diak liu.

Hau hanoin agora dadaun ami husi institute superior cristal nian, uza lian ofisial tetum no portugues iha prosesu aprendizajen, tanba nee, ami hakarak atu promove diak liu tan ita nian lian ofisial tetum no portugues, tanba ita hotu hatene katak, politika ministeriu nian durante nee, sempre halo formasaun no fo subsidi ba universidade sira, atu bele hasae nafatin kapasidade dosente sira nian,”dehan Reitor ISC Sebastiao ba STL iha ISC Balide Dili Kuarta (18/10/2017).

Iha fatin hanesan Direitor ezekutivu fundasaun Cristal, Agostinho Goncalves, hatete, cristal rasik uza lian portugues no tetum iha prosesu aprendizajen ba estudante sira, lian seluk sira bandu ona, maibe english, tanba lian internasional, depois iha departamentu English, entaun ida nee sira aprende, maibe iha prosesu aprendizajen ba estudante loron-loron nee tetum no portugues, nee professor sira hotu tenke aplika.

“Hau hanoin formasaun lian portugues ba professor sira nee lao, tanba ita uza kurrikulum neebe mak husi Ministeriu rasik fo mai ita, hau hanoin ida nee importante, tanba lian portugues nee hanesan lian ofisial neebe mak konsagra iha ita nian konstituisaun mak portugues no tetum, hau hanoin ida nee mak fundasaun cristal dehan, tenke koalia lian portugues iha sala prosesu aprendizajen, maibe buat nee susar, ami hein katak, tinan oin mai, ami tenke halo regulamentu ida neebe mak forti uituan, para dosente sira  bele aprende diak liu tan, tanba ita nian lian ofisial mak ita la koalia, depois ita estuda deit, hau hanoin ita sei la aprende,”dehan nia. Jacinta Sequeira

Facebook Comments

Leave a Reply

Your email address will not be published. Required fields are marked *