Tenke Asegura Jornalista

Tenke Asegura Jornalista

- in Nasional, Politics
374
0
download (6)

Editora: Carme Ximenes

DILI – Virus Corona tama ona iha rai laran, tanba nee instituisaun midia ida-idak tenke asegura ninia jornalista sira, bainhira halao servisu iha terenu.

Sekretariu Estadu Komunikasaun Sosial Mericio Juvinal dos Reis “Akara” hatete,sira deskute ona atu garantia prevensaun ba jornalista sira,  primeiru preokupasaun mai husi RTTL, kona ba jornalista sira ba kobertura laiha luvas, masker ba deit ida nee SEKOMS rona hatoo ba ekipa konjuta iha solusaun 2, ida liga ba RTTL. EP esforsu aan atu prepara, maibe governu mos sei buka dalan atu kontinua fo apoiu hanesan masker ho luvas, atu nunee bele apoiu extra.

Ba instituisaun ida-idak iha posibilidade tenke asegura uluk nia jornalista sira, maibe preokupasaun sira nee tama ona, neebe sei hatoo iha Konsellu Ministru kona ba atu proteje mos midia sira, tanba midia ho mediku sira mak grupu nebe iha oin loos, neebe mak presiza apoiu no proteje atu halao servisu neebe avontade, dehan Mericio iha PN, Dili, Segunda (23/03/2020).

Nia haktuir tan katak, kona ba virus  Corona s publiku labele naran fiar informasaun iha falsu, maibe fiar ba orgaun Estadu hotu sei kontinua fo imformasaun loos kredivel para povu sira bele intende hodi kolabora. Nunee mos midia komunikasaun Estadu sei asegura informasaun neebe mak loos ba publiku, nunee mos sei kolabora ho midia hotu neebe mak iha nasaun atu nunee bele klaru.

Governante nee dehan, governu seriu no halo esforsu makas atu kombate virus Corona, tanba nee prepara fatin karantina hanesan Tibar, Hotel Audian, Hotel Novu Horizon iha Metiaut, no haree mos posibilidade iha fatin seluk atu halo karantina.

Tanba tuir nia katak,karantina nee atu dehan katak sidadan neebe mai husi liur  sira neebe mak seidauk kona virus nee, maibe hakarak 14 dias atu akompana sira karik negativu ida-idak fila ba uma, maibe, tanba komunidade sira barak seidauk intende sira hanoin karantina hanesan ho fatin izolamentu, lae komunidade tenke hatene fatin izolamentu ho fatin karantina iha diferensa.

Fatin izolamentu nee ita prepara ketak hanesan iha Verra Cruz, bainhira ita idenfika pozitivu mak lori ba iha neebe lahanesan karantina ho izolamentu. SEKOMS sei halo komferensia imprensa ho media sira hotu atu nunee hahu reforsa komunikasaun no fo informasaun ho diak, hodi evita ema fiar ba informasaun falsu. Ho kalma ita bele kombate virus corona se paniku ita konsentrasaun laiha  ita dalaruma hanesan halo komferme ida-idak nia hakarak, hatete Mericio.

Sekretariu Estadu nee mos  informa ba deputadu sira katak ba oin, labele fiar kualker inofornasaun mai husi fontes nebe laklaru, tanba fontes kredivel no klaru mak ekipa konjunta iha, liu-liu husi MS tanba sira mak sei sai husi sira. Favor komunidade sira hotu akompana media sira nia informasaun, labele haree informasaun sira neebe falsu, hodi halo paniku.

Nia esplika, ohin sei iha enkontru KM sei haree maibe ita boot sira akompana katak ministra edukasaun halo pona deklarasun ba hotu-hotu katak eskolahotu iha TL ferias extraordinariu too 28 Marsu, nunee mos universidade hotu ferias extraordinariu, maibe ba funsionariu sira hein tan enkontru KM hodi tetu, neebe hein informasaun mak hasai.

Mericio afirma tan katak, iha  Timor pozitivu agora ida deit,  MS mos informa katak labele paniku, tanba maluk ida kona nee estranjeirus neebe mak nia mai TL nia izola aan iha nia uma, too nia sente katak sintomas mak foin detekta katak nia pozitivu, neebe tau informa katak nia laba fatin arbiru, maibe nia mai nia izola aan iha uma.

Ema nee kondisaun la grave, no agora MS mos akompana hela nia, maibe informasaun sira neebe mak ema lansa iha medsos nee hanesan gosip hotu. Loos bainhira MS halo tan pers komferensia hodi divulga informasaun, nia hatete.

Nia esplika tan katak, kona ba maluk sira neebe mak iha karantina nee, ita evita deit sira foin mai husi rai liur, rtanba nee sira iha karantina hodi kontrola too haree ba negativu haruka sira fila ba uma. Governu husu atu fiar ba governu liu husi ekipa konjunta tanba sira sei halo esforsu tomak proteje sidadaun sira.

Tuir nia, SEKOMS membru ba ekipa konjunta neebe sekretariu estyadu nee koalia ona ho ekipa sira atu fo asesu informasaun ba media sira hodi halo notisia kona ba Corona virus, neebe koalia o MS atu fo tempu ba media sira, labele taka informasaun ba media.

SEKOMS sei garantia ba midia sira atu hetan informasaun klaru, karik ekipa lakohi fo media sira asesu ba informasaun nee informa kedas, neebe SEKOMS sei garantia ba midia sira atu bele hetahn informasaun klaru.

Iha fatin hanesan, Deputadu CNRT Aderito Hugo hatete, Hanesan ita akompana semana hirak nia laran  lina ministeriais neebe iha kompazisaun komisaun konjuta ba kombate corona nian halao servisu, ho kondisaun minimu ita boot sira hatene, too horbainruak detekta ona ida pozitivu,  horsehik mak ekipamentus sira no estaf sira ba halo atendimentu iha portaun entrada sira foin iha.

Tuir nia lamentavel tebes, tanba virus nee hadaet lahein, neebe ema hotu tenke book aan laos deit komisaun neebe mai husi Ministeriu sira kombate korona maibe alta entidade tenke involve, hanesan lder boot sira tenke hamriik iha oin lider no monitor ba virus nee.

Haree hanesan iha nasaun sira seluk  teknolojia avansadu PM ho PR tuun lidera kedas hahu inisiu.

Nia esplika, medidas prevensaun lapresiza ho karater emerjensia, dehan emerjensia no deklara tiha situasaun emerjensia, maibe depois servisu hotu lalao, mak ekipa konjunta ba Corona nee servisu lalao, oinsa loos. Neebe lei iha kona ba atu deklara situasaun emerjensia, neebe ida nee laos kestaun, maibe kestaun importante jestaun ba medidas prevensaun.

Tuir nia, presiza apoiu tekniku operasional sira neebe mak ho kondisaun minimu husi altu entidade sira hamriik iha oin, lidera sira atu motiva sira hodi nunee sira labele sente katak sira mesak.

Entretantu observasaun jornalista iha terenu katak, fatin karantina neebe mak  governu prepara hanesan, Otel Audian  iha ema nain 60, iha Otel Novu Horizon, Metiaut ema nain 93 mak  halo izola, sira nee mesak ema Timor oan mai husi rai liur, tanba nee sira sei izola iha fatin karantina nee too loron 14 hodi hein  teste ba sampel karik negativu fila ba uma, maibe pozitivu kontinua haruka ba iha fatin izolamentu. Entretantu fatin karantina nee laos deit iha hotel 2, maibe iha mos Tibar, maibe Tibar seidauk iha ema.

Enkuantu ema ida neebe mak identifika pozitivu nee ema estranjeirus ida, agora dadaun nia iha ona fatin izolamentu.

Reportajen : Guilhermina Franco

 

Komentariu

Facebook Comments

Leave a Reply

Your email address will not be published. Required fields are marked *