Tempu Ona Governu Halo Diversifikasaun Ba Ekonomia TL

Tempu Ona Governu Halo Diversifikasaun Ba Ekonomia TL

- in Economics
375
0
Kafe

DILI-Tempu governu atu halo diversifikasaun ba ekonomia TL, oinsa buka meus atu investe iha setor produtivu hanesan Agrikultura ho nunee povu labele halerik tan karik mina folin tun.

Hau hanoin too ona tempu governu atu halo diversifikasaun ba setor agrikultura tanba, iha ai han neebe sufsiente maka povu la preokupa ho osan atu iha ka laiha importante maka loron ida tenke han dala tolu maibe, aihan la sufsiente maka povu atu foti osan iha neebe hodi sosa tan nee hahu agora governu tenke halo diversifikasaun ba ita nia ekonomia rai laran,”informa Deputadu Adriano do Nacimentu ba STL, Segunda (13/02/2017) iha nia knar fatin PN.

Nia mos informa liu tan katak, laos setor agrikultura deit maibe, governu mos tenke investe iha industria kiik,  maibe atu investe iha industria kiik maka, knar governu nian tenke kria kondisaun neebe diak oinsa atu fo kreditu ba induistria kiik ho nunee sira bele buka osan rasik no la hein tan ba estadu. Tanba mina folin kuandu tun no orsamentu Jeral do Estadu mos redus maka nee, sei fo impaktu no setor turismu atu lao diak maka governu tenke kria kondisaun ba ema atu loke Hotel no Restorante ho nunee bele redus dependensia Governu nian ba osan mina no gas.

Tuir Deputadu nee nia hare katak, governu ida nee tau importansia liu ba setor infraestrutura tanba nee susar tebes atu diversifika setor produtivu no tinan tinan foti osan boot husi fundu mina no gas maibe atu taka fila fali osan sira nee seidauk bele tanba setor produtivu iha rai laran seidauk lao diak, maibe desizaun sira nee iha Partidu boot nia liman, no partidu kiik sira nee hein implementa deit.

Iha fatin hanesan Prezidente Comisaun D neebe trata asuntu Ekonomia no dezenvolvimentu, Jacinta Abucau mos hatutan katak, durante nee governu tau prioridade liu ba setor infraestrutura iha rai laran no atu diversifika setor produtivu sira nee kiik tebes, tanba nee maka halo dependensia boot ba osan husi fundu mina rai nian no mina folin tun fo impaktu mos ba ekonomia TL. Madalena Horta

Facebook Comments

Leave a Reply

Your email address will not be published. Required fields are marked *