Tempu Kuaresma, Arguida-Lezada Hili Perdua Malu Iha Tribunal

Tempu Kuaresma, Arguida-Lezada Hili Perdua Malu Iha Tribunal

- in Notisias Online
525
0
Tribunal.................

DILI-Tempu kuaresma hanesan loron neebe importante ba sarani katoliku iha mundu tomak atu hakribi sala no perdua malu, tanba nain Jesus Kristus fo nia isin prega iha krus too mate tanba ema hotu nia sala. Biban nee arguidu no lezada sira neebe dada malu mai too iha Tribunal mos dame no perdua malu hikas.

Juiz Sribuana da Costa liu husi audensia julgamentu husu ba parte rua atu bele perdua malu, tanba bainhira prosesu nee kontinua ho julgamentu sei halo parte rua moris hanesan inimigu. Tanba ema moris sempre presija malu, sasan la bot liu ema.

Liu husi prosesu mediasaun parte rua arguidu no vitima hakarak atu simu malu fali, tanba vitima hakarak dada fali kazu nee. No arguidu mos konkorda hodi dame malu ho lezadu iha tribunal nia oin. Ho ida nee tribunal homolonga prosesu ho numeru 0686/15.DICMR , krime danu simplest hodi eziste arguidu sira husi tribunal. Tanba krime nee ho natureza semi publiku lei fo dalan ba tribunal atu halo mediasaun ba parte rua.

Iha prosesu nee ministeriu publiku notifika Maculada dos Santos no Juleta dos Santos nudar arguidu no Etelfina Pinto hanesan lezadu iha prosesu nee. Tuir akuzasaun husi ministeriu publiku katak iha loron 24 de Outobru 2015 tuku 16:00 iha Merkadu Manleuana lezada faan hela sasan, arguida sira ba insulta noa ho liafuan at. Hodi nunee lezada nerfozu hodi baku arguida, no arguida fila estraga sasan neebe faan iha meja leten. Neemak lezada ba halo keixa iha polisia.

Audensia nee prezide husi juiz singular Sribuana da Costa, reprejenta ministeriu publiku prokurador Nelson Carvalho no arguida sira hetan assistensia legal husi defensor publiku Agustinha de Oliveira. Informasaun kompletu iha STL Jornal no STL Web, edisaun Kinta (3/3/2016). Domingas Gomes

Komentariu

Facebook Comments

Leave a Reply

Your email address will not be published. Required fields are marked *