Telefone Sala Sambung Fen-Laen Dada Malu Ba Tribunal

Telefone Sala Sambung Fen-Laen Dada Malu Ba Tribunal

- in Krime
453
0
Tribunal

DILI – Tanba deit sala sambung arguidu Jaime Dias ho lezada Berta de Jesus dada malu to’o iha Tribunal Distritál Dili(TDD) tanba arguidu involve krime Violensia Domestika.

Tuir akuzasaun husi Ministeriu Publiku neebe Tribunal lee sai katak 23 Maio tinan 2016 tuku 6:00 lokraik iha Aldeia Aitu-Lala arguidu ho lezada diskuti malu tanba lezada deskonfia arguidu ho feto seluk. Tamba nee, lezada dehan ba arguidu katak o nee mane klosan ka kaben nain. Entaun, lezada mos husu ba arguidu dehan o nee telefoni loro-loron deit. Maibe, arguidu hatan ba lezada dehan o loloron ba fan modu iha merkadu Manleu o selingkuh mane seluk.

Nunee lezada dehan ba arguidu dehan hau ba fan modu tanba nesesidade uma laran, laos atu ba buka mane iha liur neeba. Rona tiha nee arguidu nervosu hodi baku lezadu tuku dala rua iha oin buti lezada nia kakorok no foti katana atu taa lezada.

Tanba nee, Ministeriu Publiku akuza arguidu sai hanesan autor material forma konsumadu neebe prevista iha artigu 145  Kodigu Penal Timor-Leste ninian, sei mak ofende ema seluk nia isn ka saude sei hetan pena prizaun tinan 3 (Tolu) ka Multa.

Hatan ba akuzasaun nee, arguidu mos deklara ba Tribunal faktus nee balu los balu sala. Iha momentu nee, ema telefoni mai duni maibe sala Sambung.  Kona ba tuku no buti nee la iha tanba iha momentu nee hadau malu telefoni mak arguidu dudu lezada mak liman kona nia hasan dala ida.

Baku hau la baku problema tanba sala Sambung la iha problema seluk, hau deskonfia nia ba mane seluk nee tanba nia mai faan modo iha merkadu dehan ema gosta nia hakarak namora ho nia tanba nee mak deskonfia (Cemburu) ba nia,”dehan arguidu ba Tribunal iha kuarta (16/03/2017).

Iha fatin hanesan, lezada BJ mos informa ba Tribunal iha momentu sira istori malu tanba Sala Sambung no deskonfia tanba selingkuh ho mane seluk.

Rona tiha deklarasaun Tribunal husu ba Ministeriu Publiku atu halo alegasaun. Liu husi alegasaun Ministeriu Publiku husu ba Tribunal atu pena prizaun tinan ida suspende ba tinan rua. Domingos Piedade Freitas

Facebook Comments

Leave a Reply

Your email address will not be published. Required fields are marked *