TDD Rejeita Prosesu Kaitehu

TDD Rejeita Prosesu Kaitehu

- in Krime, Nasional
13
0
image002

Editora: Domingas Gomes

DILI– Relasiona ho prosesu Kaitehu, agora dadaun governu halo hela intervensaun, maibe tribunal rejeita.

Lia hirak nee hatoo husi Advogadu Privadu Pedro Aparisio ba STL iha TDD, Tersa, (07/01/2020).

Prosesu ida nee governu halo intervensaun mai iha tribunal distrital dili, no intervensaun nee tribunal rejeita, agora sira hatama pedidu rekursu ba iha tribunal rekursu, agora tribunal hein hela alegasaun ka sira nia motivasaun rajaun saida maka sira atu hatoo ba iha tribunal rekursu, dehan Pedro.

Nia hatutan, hanesan parte defeza nia haree katak, prosesu neebe governu hatama ba iha tribunal nee, hanesan governu falla de lijitimidade, tanba asina lolos prokurasaun entrega ba iha advogadu internasional nee, tenke primeiru ministru.

Maibe iha prosesu ida nee, komisaun kafi nee reprezenta husi prezidente konselu ministru, ministru obras publika, ministra finansas, no ministru transporte sira maka halo fali prokurasaun no asina.

Pedro esplika, nia parte konsidera falta de lejitimidade, atu reprezenta governu iha tribunal primeru ministru, tanba nee haree katak, sira la iha lejitimidade ida atu hatama asaun ida iha tribunal.

Nia dehan, ministru justisa rai Kaitehu nia kliente la partense husi nia kontratu, maibe iha ministru seluk maka halo fali intervensaun ba iha tribunal.

Konaba rai nee iha opiniaun rua, husi membru governu ida hateten, rai nia kliente nee pertense ba rai estadu, no ministru justisa hateten laos pertense ba estadu rai privadu.

Hanesan defeza, hein deit sira hatama rekursu no tribunal notifika parte defeza sei halo kontekstasaun, katak sira laiha lejitimidade.

Nunee prosesu providensia kautelar ba iha Kaitehu, tenke suspende tanba iha estadu no governu halo intervensaun, tanba nee rezolve lai problema nee atu haree, governu iha duni lejitimidade atu tama iha prosesu ida nee ka lae.

Tuir informasaun husi fontes konfirmadu katak, tribunal tuir lolos kontinua halo julgamentu ba iha kazu Kaitehu, ba iha prosesu providensia kautelar, maibe iha intervensaun husi governu, ikus mai prosesu nee tenke suspende.

Ho nunee hodi hein fali desizaun lai ba iha governu nia intervensaun nee, hafoin maka hakat ba iha prosesu nee, hodi kontinua rona sasin. Terezinha De Deus

 

Komentariu

Facebook Comments

Leave a Reply

Your email address will not be published. Required fields are marked *