TDD Presija Harii Konstrusaun Foun

TDD Presija Harii Konstrusaun Foun

- in Krime
155
0
Tribunal

DILI- Tribunal Distrital Dili (TDD) agora dadaun iha sala audensia haat ho fatin neebe kloot. Tanba nee presija harii konstrusaun foun, hodi fasilita orgaun justisa sira atu bele halao servisu.

Tribunal ho hanoin ida katak, la iha kondisaun ona atu halo rehabilitasaun presija harii konstrusaun foun ba Tribunal Distrital Dili, espasu nee sei fahe ba konstrusaun rua, ba konstrusaun tribunal Dili nian, no konstrusaun ba supremu tribunal nian,” dehan Prezidente Tribunal Rekursu, Deolindo Dos Santos ba Jornalista sira iha Kaikoli Tersa, (05/09/2017).

Deolindo katak, atu halo rehabilitasaun ou la halo rehabilitasaun, tanba espasu neebe iha la iha kondisaun ona atu loke tan ka aumenta tan gabinete ruma.  Tanba sala julgamentu neebe uluk iha lima agora fahe hotu ba gabinete juiz nian, ba servisu sekretariadu nian fatin la iha ona, koby hous loke tan ba kotuk ona maibe la iha espasu atu bele hadia diak liu tan.

Nunee dezenho ba TDD nian kompletu ona. No iha orsamentu 2018 mak tribunal sei haree atu preve orsamentu ba konstrusaun neebe iha.

Nia relata tan, TDD neebe sei halo konstrusaun, seidauk lansa konkursu atu kompania neebe mak kaer, tanba sei preve orsamentu neebe iha, mak bele lansa konkursu tuir valor pojeito neebe sei tau. Nunee  bele haree konkursu nasional ka konkursu internasional.

Rehabilitasaun ba tribunal sira iha muncipiu lao ona, hanesan iha tribunal Baucau hotu ona, no tribunal Oecusse no Suai hotu iha tinan ida nee, no Suai nian hein hela prosesu pagamentu. No Oecusse nian servisu hamutuk ho ZEMNS no sira selu hotu ona.

Iha fatin seluk, Prezidente Asosiasaun Majislatura Judisiariu Timor Leste Antonino Gonsalves hateten, tribunal distrital Dili iha sala audensia julgamentu menus, no ema hotu hatene inklui mos governu.

Sala audensia durante nee haat deit. No juiz neebe halao servisu hamutuk 16 deit, hotu hotu marka kolektivu ho singular. No sala audensia mos menus, maske asosiasaun sira liu husi prezidente tribunal rekursu hatoo ona ba iha governu,” esplika Antonino.

Nia afirma, juiz sira sufisiente atu halao julgamentu, maibe sala mak la dun sufisiente.  Tanba nee, labele fo sala ba rekursu humanus neebe iha, sira iha kapasidade no halao servisu iha, maibe sala mak sai hanesan kestaun ida.

Alende nee, Advogadu Privadu Jose Pedro Camoes relata tan, ferias judisiariu tribunal ema la iha, maibe liu tiha ferias judisiariu ema barak mak mai tuir julgamentu. Maibe Tribunal sei falta de aula para atu halao julgamentu, kuandu sala nee ukupadu hotu, entaun julgamentu la lao kazu nee pendente hela.

Pedro afirma tan, iha Tribunal fatin klot no numeru ba juiz sira mos menus, numeru ba kazu sira nee mos aumenta. Nunee husu governu foun haree ba kestaun sira nee. Terezinha De Deus

Facebook Comments

Leave a Reply

Your email address will not be published. Required fields are marked *