TDD Laos Aplika TIR Arguidu Deskonfia Hatama Droga, Aplika Proibisaun Ba Auzensia

TDD Laos Aplika TIR Arguidu Deskonfia Hatama Droga, Aplika Proibisaun Ba Auzensia

- in Nasional
54
0
index

Dili- Relasiona ho publiku sira nia prekupasaun, konaba tribunal aplika medida termu indentidade rezidensia (TIR) ba arguidu deskonfia hatama droga, maka fontes kredivel fo klarifikasaun katak, medida TIR nee iha antes ona.

Tuir fontes kredivel katak, medida TIR hanesan medida neebe maka iha antes ona. No iha desizaun ba iha primera interogatoriu nee, tribunal aplika proibisaun ba auzensia neebe previstu iha artigu 192 husi Kodigu prosesu penal.

Nunee proibisaun ba auzensia signifika katak, hasai arguidu nia passaporte, fo hatene mos ba iha servisu imigrasaun sira, ho entidade no instituisaun neebe hasai passaporte, komunika hotu ba sira atu bele hatene, atu bele asegura arguidu.

Proibisaun ba auzensia, hasai arguidu nia passaporte, atu bele asegura nia ba iha prosesu investigasaun, atu nia labele halai sai husi Timor, ”dehan Fontes Kredivel ba STL iha TDD Tersa, (16/04/2019).

Fontes nee esplika, iha alegasaun ba kazu nee, Ministeriu Publiku solisita ba iha tribunal atu aplika prizaun preventiva. Enkuantu husi parte defeza nian, solisita atu aplika aprezentasaun periodika.

Fontes kredivel dehan, Ministeriu Publiku liu husi prokurador ba kaer kazu nee halo rekursu haruka mai tribunal antes de termina prazu. Tribunal mos hatun despaisu haruka rekursu neebe mai, ba ona iha Tribunal Da Rekursu. Tanba nee agora hein deit desizaun husi Tribunal Rekursu, atu altera medida nee ka lae.

Alende nee, Prezidente Asosiasaun Majislatura Judisial Timor Leste Antonino Gonsalves relata, arguidu neebe hatama droga kaer iha flagarante delito, tenke aplika medida todan. Tanba droga sai prekupasaun ba ema hotu. No droga nia pena abstratu nee bele too tinan 10 ka 10 resin. Terezinha De Deus

 

Komentariu

Facebook Comments

Leave a Reply

Your email address will not be published. Required fields are marked *