TDD Kontinua Rona Sasin, Kazu SEAK

TDD Kontinua Rona Sasin, Kazu SEAK

- in Metro
38
0
TTD1

Dili- Tribunal Distrital Dili, kontinua rona sasin ba kazu eis Sekretaria Estadu Arte no Kultura (SEAK) Maria Isabel De Jesus Ximenes neebe diskunfia komete krime pekulatu artigu 295, krime administrasaun neglijente artigu 275, no krime abuzu poder artigu 297 husi Kodigu Penal Timor Leste.

Tanba nee, Tribunal kontinua rona deklarasaun husi sasin Luis Nono hanesan Xefi Gavinete Iha Sekretariu Estadu Ministeriu Turismu nian.

Tuir sasin nia depoimentu deklara katak, konaba atividade iha Korrea nia la iha konesementu, tanba momentu neeba nia seidauk halao servisu iha neeba.

Maibe nia mos iha konesementu kareta neebe uja ba iha atividade nee, la iha tanba nee momentu neebe, utiliza deit kareta privadu nian.

Deklara tan, iha momentu neeba SEAK mos la iha kareta atu utiliza, tanba nee uja deit kareta Yundai ida, ho matrikula privadu. Maibe testamuna la iha konesementu, konaba kareta nee se maka oferese.

Nunee momentu kareta att tiha, nia mos koalia ho aprovizionamentu, husi Ministeriu Turismu nian, fo fali kareta Rental ida ba nia utiliza, hodi halao servisu.

Rona tiha sasin, Tribunal adia hikas ba iha loron 18 fulan Dezembro hodi kontinua rona sasin seluk.

Antes nee, Tribunal rona ona deklarasaun husi arguida, no testamuna balu.

Tuir akuzasaun Ministeriu Publiku katak, Maria Isabel De Jesus Ximenes hanesan koordenadora jeral Expo Corel nian iha tinan 2012 hetan nomesaun hosi Ministru Turismu komersiu no industria iha tempu neeba Gil Alves. Informasaun kompletu iha STL jornal, edisaun Kuarta (05/12/2018). Terezinha De Deus

Facebook Comments

Leave a Reply

Your email address will not be published. Required fields are marked *