TDD Kontinua Julga Kazu Tentativa Homesidu

TDD Kontinua Julga Kazu Tentativa Homesidu

- in Metro
93
0
TTD1

DIli- Tribunal Distrital Dili, kontinua rona sasin ba kazu tentativa Homesidu, neebe komete husi arguidu JR no SM, hasoru lezadu RM.

Antes nee tribunal rona ona deklarasaun husi arguidu no lezadu sira, tanba nee agora dadaun tribunal kontinua rona sasin ba iha prosesu nee.

Tuir sasin Selestinho da Costa deklara katak, nia parte konese arguidu nain rua, maibe sira la iha relasaun familia hanesan vizinho deit. No momentu mosu problema nee, sasin rasik hare ho matan.

Mosu problema nee hau rasik hare ho matan, bainhira hau hare arguidu JR kaer katana, hau hase nia katak ita mesak familia buka atu rejolve didiak. Maibe hakfodak mai arguidu taa tiha ona lezadu, ”deklara sasin iha sala julgamentu TDD Sexta, (15/03/2019).

Sasin deklara tan, antes atu taa lezadu, arguidu sei hakilar uluk katak, se maka tuda arguidu sira nia uma, hafoin hakilar hotu arguidu halai ba foti kedan katana.

Nunee arguidu JR maka taa uluk lezadu, hafoin sira nain rua dudu malu no hakuak malu, maka katana neebe arguidu kaer, foin monu ba rai.

Sasin dehan, katana monu tiha arguidu SM maka foti fali katana, hodi taa membru polisia neebe hela vizinho, sai mai atu atua problema nee. Maibe konaba taa iha kotuk laran sasin la iha konesementu, nia hatene maka taa iha kabas nee.

Hafoin rona tiha sasin, tribunal deside adia ba loron seluk, hodi rona sasin sira seluk.

Tuir akuzasaun neebe iha antes nee katak, arguidu nain rua iha kalan, sola hela besi. Derepente ema tuda sira nia uma, tanba nee sira sai mai atu husu tuir.

Momentu sira sai mai husu tuir, lezadu sira maka baku uluk arguidu sira, tanba nee arguidu sira mos ba foti katana, sai mau hodi taa sira.

Konesekuensia husi arguidu sira nia hahalok nee, MP akuza sira ba krime tentativa homesidu.

Audensia julgamentu nee, prezide husi Juis Kolektivu Antonio do Carmo, Albertina Neves, Maria Solana, MP reprezenta husi prokurador Hipolito Santa, arguidu sira hetan asistensia legal husi defensor Publiku. Notisia kompletu lee iha jornal STL edisaun Tersa (19/03/2019).Terezinha De Deus

Komentariu

Facebook Comments

Leave a Reply

Your email address will not be published. Required fields are marked *