TDD Kondena Arguidu Sona Mate Indiano

TDD Kondena Arguidu Sona Mate Indiano

- in Nasional
44
0
Tribunal

Dili- Tribunal Distrital Dili iha loron Segunda, (05/11/2018) mai zumenus oras tuku 16:30 liu husi leitura akordaun,  Juis Kolektivu deside hodi aplika pena prizaun tinan sanulu resin haat (14), ba arguidu Aleixo Luis Gama, neebe sona mate vitima Indiano Kulvir Singh.

Iha desizaun primera instansia nee, Juis prosesu hateten katak, faktus neebe iha provadus hotu, arguidu ho intensaun duni hodi sona mate vitima, neebe iha momentu neebe faan hela Trambulan.

Juis prosesu mos esplika ba iha arguidu, bainhira la konkorda ho desizaun iha primera instansia, bele liu husi nia defeza, hodi halo rekursu ba iha Tribunal ida neebe aas liu.

Hafoin lee hotu tiha desizaun, arguidu gurda prizional sira, kontinua tula ba iha kareta prizaun nian, hodi lori ba iha prizaun Becora.

Antes nee, liu husi alegasaun Ministeriu Publiku solisita ba Tribunal Kolektivu, atu aplika pena prizaun tinan sanulu resin lima (15) ba arguidu. Tanba arguidu konfesa imparsialmente ba faktus, no arguidu lori duni tudik sona ba iha vitima.

Enkuantu husi parte defeza nian, solisita ba Tribunal atu diminui pena neebe iha, tanba arguidu arepende ba nia hahalok, no konfesa ba faktus. Notisia kompletu lee iha jornal STL edisaun Kuarta (07112018). Terezinha De Deus

Facebook Comments

Leave a Reply

Your email address will not be published. Required fields are marked *