TDD Julga, Laen Kondisaun Lanu Baku Fen

TDD Julga, Laen Kondisaun Lanu Baku Fen

- in Metro
63
0
Tribunal

Dili- Tribunal Distrital Dili, julga arguidu ho inisial JX, neebe ho kondisaun lanu, hanorin fen lezada inisial ES ho liman.

Tuir akuzasaun katak, Iha loron 3 fulan Abril 2018, iha sira nia hela fatin iha Lahane Osidental, lezada suru etu atu fo han ba labarik, no arguidu fila husi mate uma, ho kondisaun lanu.

Too iha uma, arguidu diskuti malu ho lezada, hodi tuku lezada. No arguidu mos husu atu fahe malu, halo lezada mos nervoju, mosu diskusaun naruk, too arguidu lori kadera baku ba iha lezada.

Arguidu hanesan autor ba krime violensia domestika ho forma ofensa integridade fisika simples neebe previstu iha artigu 145 husi KP, no lei violensia domestika nian.

Hatan ba faktus nee, arguidu deklara katak, faktus balu loos no balu lalos. Iha fatin hanesan, lezada mos haforsa tan akuzasaun neebe iha katak, antes nee arguidu baku bebeik lezada, maibe lezada la hato keiza.

Rona tiha deklarasaun husi arguidu no lezada, Tribunal husu ba iha Ministeriu Publiku atu submete ba iha alegasaun.

Liu husi alegasaun Ministeriu Publiku husu ba Tribunal atu aplika pena admoestasao. Enkuantu husi parte defeza, mos aseita ho alegasaun husi MP.

Rona tiha husi parte rua, Tribunal adia hikas ba loron 22 fulan Outubru oras tuku 16:00 hodi rona leitura sentensa.

Audensia julgamentu nee, prezide husi Juis Singular José Maria, Ministeriu Publiku reprezenta husi Prokurador Nelson Carvalho, arguidu hetan asistensia legal husi Defensora Publika. Notisia kompletu lee iha jornal STL edisaun Sesta (12102018). Terezinha De Deus

Facebook Comments

Leave a Reply

Your email address will not be published. Required fields are marked *