TDD Julga Funsionariu  ME Nain 2, Komete Krime Pekulatu

TDD Julga Funsionariu  ME Nain 2, Komete Krime Pekulatu

- in Metro
134
0
TTD1

DiliTribunal Distrital Dili, iha loron Kuarta (27/03/2019), halao julgamentu ba funsionariu Ministeriu da Edukasaun nain rua. Maibe julgamentu adia, tanba husi parte defeza nian, solisita atu iha tan defeza ida.

Ho rajaun defeza nian husu atu nomeia tan defeza ida, maka tribunal adia hikas fali julgamentu kazu nee ba iha loron rua tutuir malu. Iha loron 29 fulan Abril iha oras tuku 14:00, no iha loron 30 fulan Abril oras tuku 10:30.

Tanba nee tribunal mos aseita ho defeza nian hanoin, hodi adia hikas kazu nee.

Audensia julgamentu nee prezide husi Juis Kolektivu Ivan Suritay, Maria Solana, Antonio Do Carmo, MP reprezenta husi Prokurador Lidia Soares, arguidu hetan asistensia legal husi Defensora Publika Joana Cristinha.

Tuir akuzasaun neebe iha katak, arguidu AJ iha tinan 2016 asumi nia funsaun hanesan direktor nasional plano monitorizasaun no evakuasaun, iha ministeriu da edukasaun.

Arguida ADV iha tinan 2017 too tinan 2018, asumi nia funsaun hanesan kordenadora ba planu administrasaun iha gavinete jeral ensino superior iha ministeriu da edukasaun.

Iha loron 26 fulan Janero 2017, arguidu AJ hanesan direktor PPMA, hatama proposta konaba orsamentu ba atividade worshop/formasaun konaba lansamentu ba planu asaun ikus husi tinan 2017, no plano trimestral no worshop konaba verifikasaun dadus EMIS ba estudante foun, neebe passa iha tinan 2017, ho orsamentu USD $ 3,000.00, neebe vistu husi direktor jeral PPMA iha ME.

Iha loron 13 fulan Janeru 2017, proposta nee hetan aprovasaun husi Direktor DNFAL Manuel Monteiro. Iha loron 13 fulan Fevereru 2017, hetan aprovasaun CPV, PR no valor 3,000.00 husi ministru da edukasaun neebe iha altura neeba Antonio da Conceicao.

Ministeriu publiku akuza arguidu AJ hanesam autor material ba krime peculatu neebe previstu iha artigu 295 husi KP. No arguida ADV komete mos krime peculatu neebe previstu iha artigu 295 husi KP. Notisia kompletu lee iha jornal STL edisaun Kinta  (27/03/2019). Terezinha De Deus

Komentariu

Facebook Comments

Leave a Reply

Your email address will not be published. Required fields are marked *