TDD Julga Doutor Falsu

TDD Julga Doutor Falsu

- in Metro
140
0
Tribunal

Dili- Tribunal Distrital Dili, iha loron Kuarta (27/03/2019) julga arguidu inisial FC, neebe bosok lezadu inisial JL hodi halo taratamentu ba nia.

Tuir akuzasaun neebe tribunal lee sai husi Ministeriu Publiku katak, iha tinan 2016 fulan Dezembro dala la apuradu, lezadu JL atu ba vizita nia oan feto MA nia uma iha Bekusi.

Bainhira too iha neeba hare arguidu tur hela iha uma varanda oin, lezadu foin tama ba arguidu husu kedan ba lezadu katak, tiu moras ka. Lezadu mos hatan katak, nia moras duni.

Nunee lezadu mos hatan katak, nia doutor bele halo taratamentu ba lezadu nia moras. Tuir mai arguidu halo teste ba lezadu nia isin, hanesan kaer ho liman deit, maibe la uja material ida.

Depois arguidu esplika ba lezadu katak, lezadu hetan moras iha kabun kidun iha fatuk no kanas bubu halai ba kanuruk. Nunee lezadu hetan kedan taratamentu husi arguidu, sona ai moruk iha tempu kalan durante fulan ida.

Iha loron la apuradu maibe iha tinan 2017, arguidu lori lezadu ba iha HNGV hodi konsulta moras no hasai Ray X. Halo taratamentu iha neeba, doutor sira passa ai moruk, arguidu foti hotu resibu ka rezultadu neebe mediku sira fo.

Ho nunee arguidu komesa husu osan ba lezadu ho nia familia, hodi ba sosa aimoruk durante fulan ida, arguidu husu osan hamutuk US $ 988. Husi taratamentu neebe arguidu halo ba lezadu, durante fulan ida la hetan rezultadu diak, maibe aumenta grave liu tan. Tanba nee familia mos duvidas ho taratamentu, neebe arguidu halo.

Ikus mai familia ba buka tuir arguidu nia uma iha Bekusi, no vizinho sira fo informasaun katak, arguidu neebe halo taratamentu laos ema doutor medisina, maibe nia servisu iha ministeriu da edukasaun.

Ho nunee familia sira foin hatene arguidu hanesan doutor falsu, neebe lohi ema hodi buka osan.

Ministeriu publiku akuza arguidu ba krime uzurpasaun ba funsaun, no burla simples neebe previstu iha artigu 195 no 266 husi KP.

Hare ba iha krime nee rua, burla simples nia natureza semi publiku lei fo dalan atu dada fila, maibe iha tentativa konsiliasaun, lezadu lahoi dada fila. Tanba nee tribunal kontinua julgamentu ba krime rua nee hotu.

Audensia julgamentu nee, prezide husi Juis Singular Euzebio Xavier, MP reprezenta husi Prokurador Hipolito Santa, no arguidu hetan asistensia legal husi Defensor Publiku. Notisia kompletu lee iha jornal STL edisaun Kinta  (27/03/2019). Terezinha De Deus

Komentariu

Facebook Comments

Leave a Reply

Your email address will not be published. Required fields are marked *