TDD Interoga Joven Nain 11, Tuda Malu Iha Komoro

TDD Interoga Joven Nain 11, Tuda Malu Iha Komoro

- in Nasional
80
0
TTD1

Dili- Tribunal Distrital Dili Kuarta (13/12/2018), loke prosesu primeiru interogatoriu hasoru joven nain 11, neebe deskonfia involve kazu tuda malu iha Komoro loron tolu liun ba.

Tuir informasaun supeitu DS, FS, CAP, CA, NFC,  ES, EDS, RA, LB, SN no AJ patrika krime abstrukaun autoridade publiku previstu iha artigu 243 hosi kodigu penal.

Ba prosesu numeru 0719/18 DICMR neebe konsta iha autos katak iha loron 10,  foin lalais oras tuku 11;40 ekipa patrolia dom Alexo nian neebe lidera hosi komandante eskudra Komoro halo atuasaun ba problema tuda malu iha estrada eskolah 10 Dezembru.

Konsekuensia hosi tuda malu nee, kona iha komandante ho naran  Bernadino da Silva nia liman no bubu, no seluk kona tan membru PNTL ida tan ho naran Justinho da Costa nia liman.

Tanba nee mak polisia duni tuir, too kaer sira iha eskola laran ho situasaun flagrante delitu.

Tanba nee iha alegasaun hosi Ministeriu Publiku solisita ba iha Tribunal, atu aplika deit aprejentasaun prioridika ba arguidu sira

Nunee mos parte defez nian, solisita ba iha Tribunal, aseita ho ministeriu Publiku nia medida, husu atu aplika deit aprejentasaun prioridika, rajaun arguidu sira nee kuaze estudante hotu.

Iha leitura sentensa, Tribunal deside hosi aplika aprejentasaun prioridika ba arguidu sira, kada semana.

Primera interogatoriu nee, prezide husi Juis Singular Juiza Maria Modesta, Ministeriu Publiku reprezenta husi Prokurador Antonio Tavares, arguidu sira hetan asistensia legal husi defensor publiku Marcal Mascarinhas. Informasaun kompletu iha STL Jornal, edisaun, Sesta (14/12/2018). Terezinha De Deus

Facebook Comments

Leave a Reply

Your email address will not be published. Required fields are marked *