TDD Halo PI Ba MM-L7 no KL, Sabado Tuku 2 Tribunal Hatun Despaisu

TDD Halo PI Ba MM-L7 no KL, Sabado Tuku 2 Tribunal Hatun Despaisu

- in Notisias Online, Top News
1050
1
feature3

DILI- Tribunal Distrital Dili (TDD) halo Primeiro Interogatorio (PI) ba arguido Mauk Moruk (MM), Cornelio Gama alias L7 no Komandante Labarik (KL). Nebe Ministeriu Publiko akuza arguidu nain tolu ho krime abuzu de uniforme public, usu pação de funçoes, alterasaun do estado de direite assosiasaun criminosa.

Depois intergatoriu Advogadu privadu L-7 Pedro Apariçio esplika katak, iha interogatoriu nee arguidu sira koalia diak no ko’opera diak ho justisa. Interogatoriu nee lao ho diak, nebe hein fali despaisu husi Tribunal iha aban (Sabado) tuku 14:30 loraik, kona ba medidas saida mak Tribunal sei aplika ba arguidu sira.

Iha primeiru interogatoriu nee atu hare deit no atu fiskaliza deit kona ba detensaun no kapturasaun nee tuir lei ka lae. Depois de prosesu inkeritu mak sei hatene katak sira nia hahalok nee komete duni krime hirak nebe MP akuza ou lae. Nee depois prosesu inkeritu mak foin hatene kona ba ida nee. Primeiro interagotario nee atu hare ema nee atu aplika medida saida prizaun preventiva ka, detensaun domisiliario ka, admisaun prende ka ou TIR deit. Nebe despaisu nee aban tuku 2 ho balun loraik mak foin hatene, dehan nia ba jornalista sira iha Tribunal Distrital Dili, Sesta (14/03/2014).

Audensia interogatoriu nee prejide husi juis singular Jose Maria de Araujo, Ministeriu Publiko reprejenta husi Felismino Cardoso no Angelina Saldanha. Arguido Mauk Moruk ho Komandante Labarik hetan asistensia legal husi advogadu privadu Paul Remidio no arguido L-7 hetan asistensia legal husi advogado privado Pedro Apariçio. Informasaun kompletu iha STL jornal no STL Web, edisaun Sabado (15/3/2014). Domingas Gomes

Facebook Comments

1 Comment

  1. Loron diak ba Povu Timor tomak, dala ida tan Veteranos da Luta hatudu sira nia Vontade hodi kontribui ba dalan Justica,
    1. oinsa ho sira nebe uluk kontra timor nia Independensia?
    2. oinsa ho sira ne’ebe agora halo hela Corupcao iha instituisaun estadu nian.
    3. Artes marsiais hanesan grupo nebe mak kria instabilidade iha rai laran lei artigu hira mak kondena sira no hira mak tama ona komarka tamba emvolvimento iha grupo krime hirak ne’e?

    ok ba observador politiku sira analisa didiak atu halo prediksaun nebe klaru ba futuru justisa iha rai Timor, atu povu labele terus tas

Leave a Reply

Your email address will not be published. Required fields are marked *