TDD Aplika TIR , Arguidu Foti China Nia Sasan

TDD Aplika TIR , Arguidu Foti China Nia Sasan

- in Metro
117
0
Tribunal.................

Dili-Tribunal Distrital Dili liu husi sedizaun ba iha primera interogatoriu, aplika termu indentidade rezidensia TIR, ba arguidu ES, neebe deskonfia komete krime furtu agravadu.

Tribunal aplika TIR, tanba la iha indisus sufisiente neebe hatudu katak, arguidu foti lezadu inisial CH husi China nia sasan iha loja ida iha Audian nia.

Hafoin desizaun, tuir defeza arguidu nian Miguel Acasio Farria katak, tribunal aplika TIR, tanba la iha indisusu forte.

Desizaun tun ona, tribunal aplika TIR tanba la iha indisus forte atu hatudu katak, arguidu komete iha krime furto agravadu. Hare ba desizaun nee, defeza mos aseita ho tribunal nian medida nee, ”dehan Defeza nee ba STL iha TDD Segunda, (18/03/2019).

Defeza nee akresenta arguidu laos ba foti sasan, maibe ba iha neeba, atu husu servisu ba iha Loja nain neebe hanesan ema China ida.

Iha alegasaun MP husu aprezentasaun periodika, no Defeza husu absolve.

Tuir kronolojia katak, akontese iha loron 9 fulan Marsu 2019, polisia kaer fali arguidu iha loron 14 fulan Marsu, tanba deskonfia arguidu naok sasan iha Loja China nian iha Audian.

China nee hare arguidu nee ba husu servisu iha neeba, bainhira arguidu nee atu fila, China nee hasai nia foto subar husi kotuk, maske arguidu nee husu ba China nee tanbasa hasai foto, maibe nia parte la kohi fo resposta.

Tanba nee arguidu fila tiha mai nia uma, maibe China nee lori fali arguidu nia foto ba iha Polisia, no iha fali loron 14 fulan Marsu 2019 nee, polisia ba buka tuir arguidu nee hodi kaer nia.

Primera interogatoriu nee prezide husi Juis titular Jose Maria, Ministeriu Publiku reprezenta husi prokurador nain ida, no arguidu hetan asistensia legal husi Advogadu Privadu. Notisia kompletu lee iha jornal STL edisaun Tersa (19/03/2019).Terezinha De Deus

Komentariu

Facebook Comments

Leave a Reply

Your email address will not be published. Required fields are marked *