TDD Aplika AP Fen Laen Bosok Ema Ba Servisu Australia  

TDD Aplika AP Fen Laen Bosok Ema Ba Servisu Australia  

- in Krime
121
0
download (41)

DILI– Tribunal Distrital Dili liu husi desizaun ba iha prosesu primera interogatoriu, aplika medida aprezentasaun periodika ba iha fen laen, neebe bosok ema 28 ba servisu iha Australia.

Laen hanesan sidadaun timor inisial JE, no fen sidadaun indoneszia inisial ER, arguidu nain rua polisia kaptura iha flagarante delito, iha sira nia rezidensia iha Bekora.

Relasiona ho prosesu nee, Ministeriu publiku akuza arguidu JE ho nia fen  kaben ER ba Kazu krime burla agravadu previstu iha iha artigu 267 husi KP.

Iha alegasaun ministeriu publiku aplika medida koasaun ba JE aprezentasaun periodika, no arguida ER aplika medida rua  aujensia ho TIR.

Hafoin desizaun, defeza arguidu nain rua nian Agustinha de Oliveira hateten, tribunal fo desizaun medida koasaun ba arguidu nain rua, aprezentasaun periodika, no arguida ER aplika medida rua  aujensia ho TIR.

Iha audensia premeira  interogatoriu nee,  arguidu sira hatan los dunik sira rekola ema lubuk ida nia pasaporte, tanba arguidu nia kolega ida naran Erick pam nee ema singapura nian uluk iha timor loke kompania boot iha timor sira nain rua halo kolega diak, no nia haruka sira nain rua maka atu rekola, esplika defeza nee iha TDD.

Hatutan tan, nia kolega nee maka haruka nia aruma pasaporte sira nee, maibe nia hein too agora nia kolega laiha informasaun, se karik nia kolega nee la mai entaun nia hein to fulan fevereiu remata, fo fila fali ema nia pasaporte ho osan ssira neebe maka nia simu.

Nia dehan, ema balun fo osan ba nia $.25 dolar ou $.50 dolar total 27 pasaporte neebe mak nia foti hamutuk ema nain 27.

Haktuir arguidu iha hanoin diak atu devolve fali ema nia osan sira neebe nia simu ona nee,  tanba nee maka parte defeza mos aseita desizaun tribunal nian neebe aplika medida de koasaun ba sira nain rua.

Nunee, sei iha faze investigasaun tuir mai karik iha julgamentu normal maka foin hatene arguidu sira sala ka la sala, maibe agora nee kumpri deit saida maka tribunal aplika ona ba sira nain rua.

Audensia julgamentu nee prezide hosi juiz singular Edite Palmira, ministeriu publiku reprezenta husi Prokurador Hernanio Rangel, arguidu nain rua hetan asistensia legal husi defensor publiku Agustinha de Oliveira. Terezinha de Deus

Komentariu

Facebook Comments

Leave a Reply

Your email address will not be published. Required fields are marked *