TDD Adia Kazu Marcos Da Cruz

TDD Adia Kazu Marcos Da Cruz

- in Metro
116
0
TTD1

Dili- Tribunal Distrital Dili iha loron Tersa, (09/10/2018) adia hikas kazu karau Susu ben, neebe komete husi arguidu Eis vice Ministru Agrikultor  Marcos Da Cruz,  relasiona ho Juis Kolektivu foun.

Tribunal liu husi Juiza prezidente meja Kolektivu Ana Paula, afirma Tribunal labele kontinua halao julgamentu ba kazu ida nee, tanba Tribunal lao tuir mapa diretiva Kolektivu foun neebe manda husi Tribunal Rekursu, atu muda Kolektivu troka Juiza Jacinta neebe ba fali iha Tribunal Rekursu.

Tuir Akuzasaun neebe iha katak, arguidu MC nudar vice ministru MAP hahu husi tinan 2012, arguidu LBF nudar director jeraliha MAP iha tinan 2012-2015, arguida RCH nudar director nasional aprovisionamentu iha tinan 2014 too 2015, arguidu FOGC nudar xefe departamentu logistiku iha MAP husi tinan 2014 too ohin loron no arguidu MRL nudar director komphania Nova breeding and treding unipesoal LDA.

Iha fulan Fevereiru tinan 2014 Antonio de Araujo nudar xefe departamentu produsaun animal iha diresaun no vetenaria iha MAP, prepara proposta sosa fini karau susu ben hamutuk 165 husi Australia hodi distribui ba benefisiu iha Era Ulo, sub-distirtu Lete foho no Ermera no Fui loro Lautem ho orsamentu USD $660.000.00.

Bainhira prepara tiha proposta refere iha leten, proposta ida nee entrega ba Calistu da Costa Varela nudar director nasional pekuaria no vetenaria hodi submete ba arguidu LBF.

Bainhira aprova proposta Orsamentu ba sosa fini karau susu ben, iha 25 fulan Fevereiru tinan 2014, proposta sosa fini Karau susu ben hetan aprovasaun husi arguidu LBF.

Tanba nee, Ministeriu publiku kontra arguidu MC, FOGC, RCH ho LBF hanesanko-autor material ho forma konsumada ba krime

Enkuantu arguidu MRL hanesan autor material ho forma konsumada ba krimi burla agravadu, husi artigu 266 numeru 267 Kodigu Penal.

Audensia julgamentu nee prezidi husi Juis kolektivu, Ana Paula Fonseca, Juiza Julmira auxliadora, Juis Eusebio Xavier, Ministeriu Publiku reprezenta husi prokurador Jacinto Babo ho Lidia Soares, arguidu sira hetan asistensia legal husi Defensor Publiku, Marçal Marcarinhas, inklui Advogadu Privadu. Notisia kompletu lee iha jornal STL edisaun Kuarta (10102018). Terezinha De Deus

Facebook Comments

Leave a Reply

Your email address will not be published. Required fields are marked *