TDD Adia Kazu Karau Susu Been

TDD Adia Kazu Karau Susu Been

- in Metro
51
0
TTD1

DILI-Tribunal Distrital Dili, adia hikas kazu julgamentu ba kazu Karau Susu Been neebe envolve husi eis Vise ministru Agrikultura no Peska, tanba Ministeriu Publiku Kestiona Oras julgamentu la tuir oras neebe marka antes ona, iha sala julgamentu.

Tuir fontes konfirmadu ba STL iha loron 21/03/2019 katak, tuir lolos prosesu nee julga iha loron Kinta (21/02) oras tuku 5:30 lokraik, maibe tanba juis Kolektivu balu sei priense hela prosesu seluk iha oras hanesan, entaun halo atrazu oras julgamentu tarde.

Nunee ho julgamentu tarde, Prokurador iha rajaun ba ida nee, tanba nee tribunal kolektivu deside adia fila fali ba loron 11 fulan Abril iha oras tuku 5:30 lokraik.

Antes nee tribunal rona ona deklarasaun husi arguidu no sasin balu.

Tuir Akuzasaun neebe iha katak, arguidu MC nudar vice ministru MAP hahu husi tinan 2012, arguidu LBF nudar director jeraliha MAP iha tinan 2012-2015, arguida RCH nudar director nasional aprovisionamentu iha tinan 2014 too 2015, arguidu FOGC nudar xefe departamentu logistiku iha MAP husi tinan 2014 too ohin loron no arguidu MRL nudar director komphania Nova breeding and treding unipesoal LDA.

Arguidu MRL bainhira asina kontratu nia hatene katak iha kapasidade atu hatama Karau susu ben 165 maibe Karau seidauk tama, arguidu lori dokumentu invoice ho DO falsu no bosok ka lohi katak Karau simu ona husi MAP no husupagamentu ba arguidu nia kompania.

Audensia julgamentu nee prezidi husi Juis kolektivu, Ana Paula Fonseca, Juiza Julmira auxliadora, Juis Eusebio Xavier, Ministeriu Publiku reprezenta husi prokurador Jacinto Babo ho Lidia Soares, arguidu sira hetan asistensia legal husi Defensor Publiku, Marçal Marcarinhas, inklui Advogadu Privadu. Notisia kompletu lee iha jornal STL edisaun Segunda (25/03/2019). Terezinha De Deus

Komentariu

Facebook Comments

Leave a Reply

Your email address will not be published. Required fields are marked *