TDD Absolve Arguidu MAUHOKA Husi Krime 2, MP Sei Hatama Rekursu

TDD Absolve Arguidu MAUHOKA Husi Krime 2, MP Sei Hatama Rekursu

- in Nasional
90
0
Tribunal

Dili- Tribunal Distrital Dili, liu husi leitura akordaun iha loron Kuarta (12/12/2018), absolve arguidu Salvador do Rego Mauhoka, no arguida Felismina Mesquita Cardoso, tanba faktus neebe iha la provados.

Iha leitura akordaun nee, Tribunal hare katak iha julgamentu arguida nega ba faktus katak, arguida la lori lezada sira ba halo kontartu ho arguidu. Nunee mos arguidu nega ba faktus katak, arguidu seidauk halo relasaun ho lezada sira hanesan labarik kiik.

Nunee iha julgamentu, lezada mos la konhse arguidu, tuir lezada sira katak, iha momentu ema mane neebe tula sira, fuuk naruk. Iha inpesaun ba fatin mos, lezada sira la hatudu lolos.

Tanba nee Tribunal hare katak, faktus la provadu maka arguidu la halo relasaun ho lezada sira, no la provadu mos arguida lori lezada sira ba entrega iha arguidu, hodi halo relasaun.

La provadus mos, arguidu entrega osan ba iha arguida. Tanba nee Tribunal la heta prova sufisiente, konaba arguidu maka halo relasaun hasoru lezada sira.

Ho nunee Tribunal absolve arguidu nain rua, husi krime neebe Ministeriu Publiku imputa ba sira. Hanesan krime prostituisaun Infantil, abuzu seksual ba menor, no krime aktu sexsual ho adoloxente.

Rona tiha desizaun, husi parte Ministeriu Publiku nian, la aseita no nia parte sei hatama Rekursu, bainhira simu notifikasaun husi Tribunal.

Antes nee iha alegasaun, Ministeriu Publiku solisita ba iha Tribunal atu aplika pena prizaun tinan hitu, ba iha arguida no mos arguidu.

Audensia julgamentu nee, prezide husi Juis Kolektivu Juis prezidente da meza Juiza Edite Palmira, Ministeriu Publiku reprezenta husi Prokurador Renato Bere Nahac, arguidu sira hetan asistensia legal husi Defensor Publiku Fernando Carvalho, no Marcal Mascarinhas. Informasaun kompletu iha STL Jornal, edisaun, Sesta (14/12/2018). Terezinha De Deus

Facebook Comments

Leave a Reply

Your email address will not be published. Required fields are marked *