Taxa Imigrasaun RAEOA, Janeiru-Junho Hatama 86 Mil Ba Kofre Estadu

Taxa Imigrasaun RAEOA, Janeiru-Junho Hatama 86 Mil Ba Kofre Estadu

- in Economics
4104
0
monumento_lifau

AMBENO—Polisia Nasional Timor Leste (PNTL) hamata taxa imigrasaun ba kofre estadu hamutuk 86 mil, 045 dollar americano husi fulan janeiro mai too junho 2017.

Inspektur Asistente polisa imigrasaun rejiaun oecusse, Marcelo Ximenes, Kinta (29/6/2017)  hateten Taxa neebe maka hetan durante fulan neen (6) husi janeiru mai too junho 2017 hamutuk 86 mil, 045 dollar nee maka taxa provisori too ohin loron, mas data nee sei muda depois de final fim do mes.

Nia hatutan Rejional oecusse iha postu fronteira 3 hanesan subrejiaun oesilo iha suku bobometo, subrejiaun pasabe nee iha suku Abani, ho subrejiaun pante makasar nee iha suku nipani fronteira Wini,  kestaun subrejiaun pasabe nian maka atende deit border pass nee tuir akordo entre estadu Timor leste ho Indonesia atu fasilita populasaun sira hela iha fronteira atu ultra pasa ba mai so trata deit ho border Pass,  nee tuir lei laiha kobransa maibe iha durasaun tempu limitadu hanesan iha serimonia tradisional liga familia,

Maibe nafatin sub kontroladu husi polisia imigrasaun ninian, aktivu liu maka postu oesilo Bobometo ho suku nipani sakato Wini, hare ba movimentu rua nee tuir estatiska numeru ema movimentu tama mai husi nipani sakato mak boot liu kompara ho Bobometo taxa neebe maka hetan husi postu hirak nee diferenti, signika hare ba infraestrutura neebe maka diak hanesan Estrada nee nia taxa boot liu, postu neebe maka hare infraestruta ladun entaun nia taxa mos kiik nee diferente, Total Osan neebe maka iha dadauk nee laos mai husi  postu rua nee mas mai husi postu mai husi total vistu turista neebe maka iha, i aplika mos multa neebe maka iha durante fulan neen nia laran, bainhira halo operasaun detekta sidadaun neebe maka viola vistu nee hetan total orsamnentu 21 mil, 710 dollar nee mai husi postu sakatu suku nipani, nomos oesilo suku bobometo nia rendimentu hamutuk maka 86 mil, 045 dollar Americano hatama ona ba kaixa estadu,” informa Marcelo.

Nia haktuir Servisu imigrasaun nia papel importante tebes iha soberania nasaun TL, nia papel maka hanesan kaer save ba odamatan boot ita nia estadu para bele autoriza sidadaun hotu nia movimentu tama sai liu husi fronteira, neebe ho maneja iha  teritorio nasional depende ba lei neebe maka vigora.

Ho kestaun sira nee nia dehan, laos deit papel oinsa atu halo kontrolu ba sidadaun teritorio nasional, I servisu imigrasaun nia papel oinsa atu bele hetan taxa para fo apoiu ba estadu, taxa neebe maka hetan nee mai husi ema neebe tama mai iha teritorio nasional no sai husi teritorio nee.

Kada pessoas neebe maka tama mai, neebe fo autorizasaun ita aplika vistu tuir osan neebe maka kada ema ida $.35.00, osan neebe maka hetan especial iha RAEOA baseia ba despaixo husi diretur servisu de imigrasaun fo ona kompetensias mai delegasaun rejional oecusse para atu jere nia administrativasaun mesak tamba nee iha dia 13 janeiru liu ba 2017, loke ona aexternu fatin atendimentu ba vistu turista deit iha rejional, ba maluk sira neebe maka uza vistu turista liu-liu extranjeiru neebe maka iha ita nia rain, kuandu mate sira bele halo expesaun iha nee deit, ba expesaun nee durante nee hela iha rai laran 30 dias  nee sei selu kona $ 35.00 kada pessoas, expesaun nee halo durante 90 dias maka halo vistu turista, ba vistu turista hanesan trabalho, ka hela permaneti durante tinan rua ba leten nee sedauk fo autorizasaun atu halo vistu iha nee.

Entretantu tuir planu husi imigrasaun rejiaun oecusse agora dadauk Prepara ona  levantamentu inspeksaun ba funsionamentu imigrasaun neebe lao hela, planu ida nee sei halao iha fulan agustu tinan nee, atu halo levantamentu ba kompania sira neebe maka servisu hela iha rejional oecusse, nomos ema estranjeiru servisu, agora dadauk servisu imigrasaun sira rekolha hela data atu parseiria ho kompania sira task Force, entidades relevantes hanesan karantina, parte SEFOPE no imigrasaun atu tur hamutuk bainhira iha operasaun fiskalizasaun ba ema estranjeiru neebe maka loke negosiu nee sei halo fiskalizasaun integradu ida  para bele hetan informasaun lolos atu haforsa sistema kontrolu efetivu liu.*

Facebook Comments

Leave a Reply

Your email address will not be published. Required fields are marked *