Taur Husu Prezidente Foun Hadomi Povu Kbit Laek

Taur Husu Prezidente Foun Hadomi Povu Kbit Laek

- in Nasional
168
0
Taur Aseita

OE-CUSSE- Prezidente Republika Taur Matan Ruak husu ba Kandidatura sira neebe mak povu fo fiar liu husi elisaun Prezidensial, presiza hadomi povu kbit laek no mukit sira neebe hela iha area rural.

Taur hatete Kandidatura sira neebe mak povu sei hili presiza servisu hamutuk tamba prezidente mak Timor oan hotu nia aman hodi tau matan ba Timor Leste nudar nasaun.

Hau husu Prezidente neebe foun hadomi Timor maibe hadomi liu-liu sira neebe kbiit laek no leno nafatin ahi karik monu dada hodi hamrik atu ita lao hamutuk tuir dalan neebe mos no los,” Dehan Taur Wainhira halao Dialogu ho povu dala ikus iha suku Nipani, sub rejiaun Pante Makasar Tersa (15/02/2017) iha Sede suku Nipani.

Nia hatete Prezidente foun lao hamutuk tuir dalan neebe mak mos no los tamba Timor Leste nia aman ida deit mak prezidente Republika tuir Sistema neebe mak iha. Taur mos Agradese ba povu Timor Leste laran tomak neebe fo fiar liu husi elisaun zeral iha 2012, nunee hamutuk ho kaben no oan reprezenta Timor Leste durante Tinan lima nia laran.

Iha fatin ketak Francisco Abe Hatete Partidu Sira iha Timor agora barak tebes tamba nee husu ba ukun nain sira atu hamutuk hodi nunee bele garante Unidade no paz iha Timor Leste.

Iha Vizita nee Konvidadu espesial husi Prezidente Republika Taur Matan Ruak mak hanesan Administrador Postu Administrativu Quelicai, Bauau Xefi Suku Caicua Postu Vemesse, Baucau, Xefi Suku Uabobo Postu Administrativu Osso, Viqueque no Xefi suku Caenleo Postu Administrativu Iliomar, Lautem. Timotio Gusmao

Facebook Comments

Leave a Reply

Your email address will not be published. Required fields are marked *