Taur-Horta Vota Meti-Aut, Fiar Rezultadu Eleisaun Laiha Problema

Taur-Horta Vota Meti-Aut, Fiar Rezultadu Eleisaun Laiha Problema

- in Nasional
151
0
taur e ramoshorta

DILI- Prezidente Republika Taur Matan Ruak no Primeira Dama Isabel Ferreira inkliu Eis Prezidente Republika Jose Ramos Horta, tuir votasaun iha Sentru Votasaun Meti-Aut, Suku Meti-Aut, Postu Administrativu Cristu Rei, Munisipiu Dili.

Prezidente Republika Matan Ruak too iha sentru votasaun hamutuk ho Primeira Dama, povu suku Meti- Aut forma ona hodi tuir votasaun, tan nee xefi estadu tenki tuir lina hamutuk ho povu hodi vota, hahalok hanesan mos halao husi Eis Prezidente Republika Jose Ramos Horta.

Tuir Eis Prezidente Republika Jose Ramos Horta hatete Povu partisipa iha votasaun informasaun neebe mak hetan husi munisipiu hotu lao diak la iha problema.

Hau akompaina informasaun neebe mak lao husi fatin hotu-hotu lao diak laiha problema, informasaun neebe hau simu mai husi fiskal balun no observador internasional,” dehan Horta ba Jornalista Segunda (20/03/2017) iha Sentru Votasaun E.P Meti- Aut.

Nia hatete elisaun neebe mak halao foin hahu nia parte fiar partisipasaun eleitoral lao diak no kapas no fiar metin laiha problema too iha rezultadu tamba bele hetan iha kalan no iha dader komesa hatene ona.

Iha fatin hanesan Prezidente Republika Taur Matan Ruak hatete, nia parte agradese ba povu Timor Leste tamba hatudu komportamentu neebe diak durante kampaina, nunee buat hotu lao kapas.

hau kontente bele kontribui vota ba ita nia prezidente no hakotu hau nia misaun, hau lahaluha agradese ba povu no imi hotu neebe fo apoiu bah au no hau nia familia tomak,” dehan Taur.

Nia hatete rai rekordasaun hotu durante mandatu ba buat neebe diak no aat tan nee husu buat neebe mak Aat husik hela ba Taur Matan Ruak maibe lori buat neebe diak ba Timor oan hotu nia diak liu-liu ba povu no nasaun. Timotio Gusmao

Facebook Comments

Leave a Reply

Your email address will not be published. Required fields are marked *