Taur Hakfodak Povu Camea Preokupa Estrada-Bee mos

Taur Hakfodak Povu Camea Preokupa Estrada-Bee mos

- in Politics
563
0
Taur Aseita

DILI – Prezidente Republika Taur Matan Ruak hakfodak povu suku Camea, postu Administrativu Cristo Rei, Munisipiu Dili preokupa kondisaun Estrada no Bee mos, hanesan ho povu neebe iha area rural.

Liu husi aprezentasaun profile suku, Xefi Suku Camea Matos Martins hatete povu suku Camea iha aldeia 13 ho total populasaun 15 Mil resin neebe baliza ho Remixio, Hera, Becora, Bidau no Metiaut.

Hau nia povu barak mak moris agrikultura, faan Ai maran, matadoru no seluk tan, iha povu balun sei susar teb-tebes asesu bee mos desede tempu portugeus too agora no mos Estrada neebe liga ba Aldeia susar teb-tebes,” dehan Matos durante dialogu Prezidente Republika Taur Matan Ruak ho povu suku Camea, Kuarta (21/12/2016) iha eskola Bazika Camea.

Nia hatete durante nee membru governu balun atu ba iha aldeia suku Camea nian, maibe lakonsege tamba Estrada ladiak neebe fila iha dalan klaran, tan nee husu estadu presiza fo atensaun.

Hatan ba preokupasaun nee Prezidente Republika Taur Matan Ruak hatete nia parte hakfodak rona prekupasaun povu suku Camea nian, tamba preokupasaun neebe mak iha hanesan ho suku sira iha area ijoladu.

Taur hatete preokupasaun kona ba Estrada, Bee mos kuaze povu iha teritoriu timor laran atu hanesan povu neebe mak iha kapital Dili deit sei preokupa kondisaun Estrada, Bee mos nee problema oituan maibe governu sei resolve nei-neik. Informasaun kompletu iha STL Jornal no STL Web, edisaun Sesta (23/12/2016). Timotio Gusmao

Komentariu

Facebook Comments

Leave a Reply

Your email address will not be published. Required fields are marked *