Taur Hakfodak AMP Kritika Governu 

Taur Hakfodak AMP Kritika Governu 

- in Headline, Politics
61
0
images

DILI-Primeiru Ministru Taur Matan Ruak hakfodak haree  membru  Aliansa Mudansa ba Progresu (AMP), iha Parlamentu Nasional, fila kritika governu liu husi Orsamentu Jeral Estadu (OJE) 2020.

Dehan Primeiru Ministru Taur Matan Ruak, bainhira  hatan ba intervensaun deputadu sira iha debate jeneralidade OJE 2020, Tersa (03/12/19).

 OJE 2020 nian, primeira vez hau haree diferensa boot, tanba, kuandu diskute orsamentu nee, normalmente Parlamentu fahe ba parte rua, hanesan bankada neebe sustenta governu defende governu makaas loos no nunka dehan lae, so opozisaun mak kritika no dehan labele tanba gasta osan, maibe dadaun nee hau haree oin seluk, dehan  Taur.

Xefe Governu nee afirma tan katak, tuir loloos bankada apoiu governu nee defende governu, maibe agresivu hasoru fali governu.

Parlamentu neebe apoiu governu nee mos agora agresivu fali, sa tan opozisaun. Hau hanoin ida nee ambiente foun ida, nee oportunidade ida para Parlamentar sira haree dalan saida mak governu atu lao tuir, ida neebe mak diak no ida neebe mak ladiak, tenik TMR.

Taur hatete, husi situasaun neebe lao iha Parlamentu Nasional (PN) nee fo lisaun boot ida ba ita nia demikrasia.

Iha tempu hanesan deputada bankada governu Olinda Guterres katak, nuudar deputada sente triste, tanba bainhira xefe governu hakfodak ho kritika neebe mak husi bankada governu rasik.

Hau hanesan deputada hau sente triste, tanba Primeiru Ministru dehan nia komparasaun  opozisaun mak kritika,dehan nia.

Nunee mos deputadu bankada PD, Adriano do Nascimento, husu ba governu no bankada governu iha Parlamentu Nasional atu deside hamutuk, hodi lori proposta lei foun OJE 2020 mai labele kontradisaun fali.

“Ami husu ba Bankada governu atu deside hamutuk ho Governu hodi labele mai iha plenaria mak, dehan inkonstitusional fali halo ami no povu konfuzaun,”Komenta Adriano. Lucia Ximenes

 

Komentariu

Facebook Comments

Leave a Reply

Your email address will not be published. Required fields are marked *