Taur Enkontru Urjente

Taur Enkontru Urjente

- in Politics
58
0
download (39)

 DILI—  Primeiru Ministru, Taur Matan Ruak konvoka enkontru  urjente ho membru VIII governu hodi husu ba membru sira servisu hanesan bain bain too governu foun forma.

Tuir Sekretariu Estadu Komunikasaun Sosial (Sekoms) Mericio Akara dehan iha enkontru nee xefe Governu informa asuntu tolu importante ba ba membru governu kona ba  prosesu hirak neebe governu liu no situaunsaun atual  ba oin.

Lia fuan xave ida deit,  governu sei funsiona hanesan bain bain Primeiru Ministru husu ba membru governu hotu hotu servisu hanesan bain bain i membru governu orienta ba funsionariu hotu atu servisu tuir nia knar  hanesan bain bain  too governu foun, haktuir  Mericio ba Jornalista  sira hafoin remata enkontru ho Taur Matan Ruak iha Palsiu Governu Tersa ( 21/01/2020)

Mericio afirma, funsionamentu VIII Governu sei lao nafatin hanesan bain bain nunee husu ba populasaun atu atu akompana atividade estadu no governu nian.  “Ita nia Primeiru Ministru nia serbisu hanesan baibain, husu atu akompana nafatin atividade Xefe Governu nian, membru Governu hotu hotu,”  aumenta Akara.

Sekretariu Estadu nee hateten, Primeiru Ministru husu ba populasaun hotu atu hakmatek hodi akompana prosesu tomak, fo tempu ba lider sira atu buka solusaun ba situasaun politika dadauk akontese.

Enkontru nee lidera husi Primeiru Ministru   neebe hahu iha tuku 9:00 dader no remata iha tuku 11:00. Marka prezensa iha esnkontru partisipa masimu husi membru VIII governante no sekretariu estadu tomak.

Entretantu antes nee mos iha loron loron Segunda (20/01/2020) hafoin hasoru malu ho Prezidente da republika iha palasiu Prezidente  Bairru Pite, Primeiru MInistru Taur Matan Ruak deklara katak, tuir lei, seidauk iha Primeiru Ministru ida troka nia, tan nee nia sei kontinua Primeiru Ministru too Primeiru Ministru foun iha. Luciana Ximenes /ESTI 01

 

Komentariu

Facebook Comments

Leave a Reply

Your email address will not be published. Required fields are marked *