Taur Eleitu Ba Prezidente PLP, Hakarak sai PM

Taur Eleitu Ba Prezidente PLP, Hakarak sai PM

- in Nasional
1540
0
PLP

DILI – Durante loron tolu, hahu Kinta too Sesta-feira (18-20), Partidu Libertasaun Popular (PLP) halao kongresu nasional, hili estrutura partidu hodi prepara ba hasoru eleisaun parlamentar.

Primeira kongresu nee, delegadu sira husi munisipiu 12 inklui Rejiaun Espesial Oecusse Ambeno hamutuk 1419. Loron dahikus kongresu nian hamosu pakote tolu fahe ba pakote A, B no C. Naran pakote A, Prezidente PLP, Taur Matan Ruak, Vise I, Fidelis Magalaes, Vise II, Mericio Akara, Vise III, Mate Restu, Vise IV, Deometrio Carvalho, Vise V, Meta Mendonça, Vise VI, Lita Sarmento.

Pakote B, Prezidente PLP, Taur Matan Ruak, Vice I, Fidelis Magalaes, Vise II, Sabino Guntur, Vice III, Rosalina Ximenes, Vise IV, Abel Pires, Vise V, Deometrio Carvalho, Vise VI, Jose Neves Samalarua.

Pakote C, Prezidente PLP, Taur Matan Ruak, ViseI, Mate Restu, Vise II, Deometrio Carvalho, Vise III, Lita Sarmento, Vise IV, Abel Pires, Vice V, Rosalina Ximenes, Vise VI, Fidelis Magalaes.

Pakote tolu nee, pozisaun Prezidente PLP, Taur Matan Ruak domina no depois hakat ba votasaun, pakote A hetan 323, Pakote B hetan 316, Pakote C hetan 666. Branco no Nulu hamutuk 7.

Rezultadu eleisaun nee lao ho livre no sekretu ikus mai pakote C mak sai vensedor iha eleisaun nee ho total votus 666, Prezidente Partidu Libertasaun Popular (PLP) mak Taur Matan Ruak.

Pozisaun Prezidente PLP mak Taur Matan Ruak, maibe iha eleisaun refere, Taur Matan Ruak lapartisipa ho razaun katak ba kalan jantar konfraternizasaun ho Prezidente Republika, Francisco Guterres “Lu-Olo” iha Palasiu Prezidensial.

Maibe antes nee, Taur Matan Ruak partisipa ona iha kongresu hodi hatoo diskursu husu ba kongresista sira tenke hamutuk hodi lori PLP ba susesu iha eleisaun parlamentar hodi lori nia (Taur) ba Primeiru Ministru (PM).

Iha biban neeba, Prezidente eleitu Partidu Libertasaun Popular, Taur Matan Ruak hatete, razaun sai Primeiru Ministru (PM) tanba iha lina orientasaun espesifika hakarak halo iha tempu mediu mak, hakarak kria governu ida onestu no efisisiente.

Hakarak governu integradu ida neebe moos, onestu no efisiente,” dehan Prezidente eleitu PLP, Taur liu husi diskursu kongresu nasional PLPiha salaun Delta Nova-Dili, Sabadu (20/05/2017).

Taur haktuir, modelu primeiru mak modelu sivilizasaun liu husi armonizasaun entre ita nia kultura tradisional asiatika no eransa kultural europa (kristianismu no lian Portugues).

Eis Prezidente nee mos dehan tan, iha lina boot ba orientasaun jeral tempu naruk nian, reforma independensia nasional liu husi promosaun sistema ekonomiku ida viavel, koerente no sustentavel hanesan mos konsolidasaun identidade nasional.

Iha fatin hanesan, Primeiru Vise Koordenador PLP Postu Administrasaun Quelicai, Julio Farcus Pinto dehan, hanesan responsavel partidu PLP iha postu apresia tebes ba diskursu Taur tanba bele mensiona konaba rekoilla restus mortais iha Timor Leste. Raimundo Sarmento Fraga

Facebook Comments

Leave a Reply

Your email address will not be published. Required fields are marked *