Taur Apoiu Ideia PR

Taur Apoiu Ideia PR

- in Notisias Online
90
0
Taur-Matan-Ruak-dilantik-menjadi-PM-Timor-Leste

DILI–Primeiru Ministru, Taur Matan Ruak apoiu ideia husi Prezidente Republika Francisco Guterres Lú Olo, atu halo dialogu hodi hakotu impase politika neebe akontese.

Deklarasun nee hatoo husi Primeiru Ministru Taur Matan Ruak ba jornalista sira, iha Palasiu Prezidente Bairru Pite, Dili, Kinta (21/11/2019)

Hau hanesan Primeiru Ministru apoiu dialogu, ho deklarasaun neebe Prezidente Republika  fo sai, para buka solusaun,dehan PM Taur.

Maske nunee Xefe Governu hatete, ohin labele halo dialogu, aban ou bainrua bele halo dialogu, atu bele hakotu impase politika neebe mak lao iha rai laran, entre membru governu neebe  seidauk simu posse .

La realiza ohin, aban bele realiza no la realiza bainrua, bain tolu bele realiza ita persistensia,dehan Xefe Governu.

Entretantu reponde konaba avaliasaun ba membru governu Taur hatete, Primeiru Ministru nakloke simu opiniaun hotu no politika hotu, maibe konstituisaun fo kompetensia ba governu no Parlamentu Nasional inklui Prezidente Republika tuir  lei neebe iha.

Nunee mos Prezidente Republika Francisco Guterres Lú olo mos dehan, sei iha dalan atu bele hakotu impase politika neebe mak lao iha rai laran, atu nunee bele halo dezenvolvimentu ba povu nia moris.

Sei iha nafatin dalan atu bele halo dialogu, no ita bele tuur hamutuk atu bele ultrapasa situasaun, para bele halao dezenvolvimentu ba ita nia povu ida nee mak importante,dehan PR Lú Olo.

Nunee mos Embaixador Brazil iha Timor-Leste, Aldemo Serafin Garcia Junior dehan, solusaun atu hakotu Impase politika laos liu husi eleisaun Antesipada.

Se bainhira ba iha eleisaun antesipada mak sei gastu osan neebe mak boot, tanba nee mak dalan neebe mak diak mak liu husi dialogu,hatete Aldemo. Emerenciana Pinto/ESTI 2

Komentariu

Facebook Comments

Leave a Reply

Your email address will not be published. Required fields are marked *