Tau Matan Ema ho Defisiensia

Tau Matan Ema ho Defisiensia

- in Nasional
155
0
download (1)

DILI-Assosiasaun Defisiensia Timor Leste (ADTL), realiza seminariu Nasional atu bolu entidade sira atu haree aspetu justisa ba ema ho defisiensia.

Diretur Ezekutivu ADTL, Cesario da Silva  dehan seminariu neebe ho temaAssesu ba Justisa no Proteje Direitu Sidadaun ho Defisiensia tuir lei neebe Vigor” nee atu bolu ema hotu haree ema ho defisiensia.

Liu-liu ba organizasun neebe durante nee akompana ba kazu judisiari,dehan Cesario ba Jornalista iha Salaun Enkontru Ministeriu Transporte Komunikasaun iha eis Merkadu Caicoli Dili, Kinta (21/11/2019).

            Nia hatutan Organizasaun  sira neebe durante nee tau matan ba ema ho defisiensia liu husi seminariu nee bele servisu hamutuk iha area formasaun hodi hasae konesementu ema ho defisiensia atu hamosu asaun ruma liu liu ba protesaun ema ho defisiensia.

 Iha fatin hanesan Ministra Solidaridade Soasial no Inkluzaun, Armanda Berta dos Santos dehan presiza  partial husi sosiedade sira no mos justisa  atu bele  haree kona ba ema ho difisiensia.

Importante husi ministeriu rasik esforsu hela atu  bele halo planu asaun nasional ba ema ho defisiensia  para bele haree kona ba ministeriu sira nia knar no konsidera mos ema ho defisiensia, hanesan edukasaun, saude no mos justisa,dehan Berta.

Nunee mos Segundu Vise Embaixadora Australia, Carolyn Skorupa dehan ema ho defisiensia atu bele asesu ba justisa tuir lei neebe vigor iha nasaun, tanba nee importante nee maka Australia kontinua apoia no esforsu garante ema hotu inklui iha dezenvolvimentu nasional.

Ami orgullu tebes ho ADTL nia servisu neebe kolabora ho entidade sira hotu liu liu ministeriu Solidadidade Sosial no inkluzaun no mos ministeriu Justisa kontinua halo advokasai ba direitu ema ho defisiensia  iha Timor Leste,dehan nia.

Australia katak Carolyn orgullu tebes sai nuudar parseiru ho Timor-Leste tanba servisu hamutuk iha nivel oin oin hahu husi programa dezenvolvimentu hodi reforma sistema governu nia estrutura  inklui asegura ema ho defisiensia iha  programa hotu hotu.

Ami fo apoiu ba JSMP hodi halo monitorizasuan ba sistema justisa advokasia no kolabora hodi fo paraser no opinion kona ba lei foun ruma atu proteje direitu ema ho defisiensia,relata Carolyn,.Luciana Ximenes

 

Komentariu

Facebook Comments

Leave a Reply

Your email address will not be published. Required fields are marked *