Tanba Telefone Laen Baku Fen

Tanba Telefone Laen Baku Fen

- in Krime
20
0
87f31663eb075b743f551142bef5f125_w340_h250_cp

DIlI-Tanba simcard laiha telefone laran, halo arguidu ho inisial JS (hanesan laen red), baku nia fen kaben (Lezada red) inisial  MS.

Iha sala julgamentu arguidu deklara katak, faktus neebe akontese iha fulan Dezembru, balu loos no balu lalos.

Tuir arguidu katak, problema nee mosu tanba lezada hare simcard la iha telefone laran, halo lezada nervoju koalia barak, arguidu nervoju hodi halo agresaun ba iha lezada.

Hau baku lezada tanba hau hare lezada koalia barak, vizinu sira mos hare, ho moe hau basa iha lezada nia hasan, tuku iha nia kabas dala ida, buti iha nia kakorok dala ida, deklara arguidu iha sala julgamentu TDD Tersa, (26/11/2019).

Arguidu deklara katak, nia halo agresaun nee hanesan mos atetude ida, atu halo lezada tauk, no labele koalia barak tan.

Iha sala julgamentu, lezada mos haforsa tan akuzasaun katak, arguidu halo agresaun ba lezada, tanba deit telefone.  Lezada esplika katak, iha momentu neeba lezada husu telefone ba iha arguidu, atu telefone ba lezada nia familia sira iha Kefa, maibe arguidu dehan telefone la iha.

Depois liu tiha oras balu, arguidu neebe hanesan kondutor ba foti fali telefone ida rai hela iha kareta oin, lori mai fo ba iha lezada. Bainhira lezada simu telefone nee, lezada hare simcard la iha, tanba nee maka halo lezada nervoju koalia barak, ikus mai arguidu halo agresaun ba nia.

Lezada deklara tan, husi akontesementu nee, too mai agora sira la iha tan problema ona. No problema neebe lezada nia laen arguidu halo ba nia, hanesan problema neebe foin primera vez akontese.

Rona tiha husi parte rua, tribunal adia ba iha loron 18 fulan Dezembru oras tuku 14:00, hodi tama ba iha alegasaun. Tuir faktus katak, problema nee akontese iha loron 18 fulan Dezembru oras tuku 10:00, tanba deit arguidu no lezada diskuti malu tanba telefone.

Husi diskuti malu nee, arguidu halo agresaun ba iha lezada hanesan, basa dala ida iha hasan, buti lezada dala ida iha nia kakorok, tuku mos iha kabas dala ida. Konsekuensia husi arguidu nia hahalok nee, halo lezada sente moras iha kakorok hasan no kabas, ikus mai lezada hatoo keixa iha polisia.

Audensia julgamentu nee prezide husi Juiz Singular Ivan Suritay, Ministeriu Publiku reprezenta husi Prokurador nain ida, arguidu hetan asistensia legal husi Defensor Publiku.

Autores judisial sira tenke hare ba iha oras julgamentu, labele marka julgamentu rua iha oras neebe hanesan, tanba nee gestaun prosesu tenke hare didiak, halo kordenasaun ho sekretaria ho didiak. Terezinha De Deus

 

 

Komentariu

Facebook Comments

Leave a Reply

Your email address will not be published. Required fields are marked *