Tanba Resesu  PN Labele Deskute Orsamnetu Privatibu

Tanba Resesu  PN Labele Deskute Orsamnetu Privatibu

- in Nasional
15
0

DILI-Governu haruka ona orsamentu privatibu ba Parlamentu nasional,  atu halo deskusaun ba Prlamentu nia osan, maibe PN seidauk halo deskusaun ba nia orsamentu privativu nee, tanba Deputadu sira sei resesu hela.

“Ami haruka ona karta ba Primeiru Ministru, katak PN labele kumpri desizaun neebe Governu fo mai ami atu halo deskusaun ba orsamentu Privatibu  PN nian tanba membru PN sei Resesu, tan nee ami labele kupri tuir data neebe Governu fo, no konsellu admunistrasaun ami bele reuni hodi halo preparasaun deit, tanba prosesu orsamentu PN nian sei baisa ba komisaun C hodi hare, maibe komisaun la funsi tanba faze resesu hela,”dehan Prezidente Parlamentu Nasional Arao Noe ba STL iha nia knaar fatin PN.

Nia mos afirma liu tan katak, tuir data neebe maka governu fo ba Parlamentu katak, iha loron 31 fulan agostu PN tenke aprova nia orsamentu privatibu, maibe PN la kumpri tanba Deputadu sira resesu hela, tan nee atu halo dedkusaun ba orsamentu privatibu nee hein resesu hotu. Atu nunee pleria bele aprova orsamentu privatibu PN nian.

“Ami marka ona loron katak iha 15 de setembru maka ami foin halo sumisaun PN nia orsamentu ba governu tanba iha lei ketak atu regula PN nia orsamentu,”dehan Prezidente PPN.

Iha fatin hanesan Deputadu Gilman Expostu hatutan, tuir kalendariu neebe maka governu fo sai katak, iha loron 31 fulan Agostu nee kada Ministeriu ida idak tenke hatama ona ninia montante orsamentu ba governu. Maibe PN nian seidauk halo deskusaun tanba Deputadu sira sei resesu hela.

“Ita hatene katak Parlamentu Nasional nia orsentu privatibu nee prosesu ketak ida, tanba PN iha lei neebe atu regulariza atividade hotu, tanba nee lei Privatibu Parlamentu nian sei iha prosesu , tanba agora Deputadu sira resesu hela,”dehan nia.

Entertantu tuir data neebe Governu fo ba membtu governu sira katak, bain hira fulan fulan agostus remata Ministeriu ida idak tenke hatama ona ninia orsamentu privatibu, tan nee antes atu tama ba loton 31 fulan agostu Ministru ida idak hamutuk ho nia Diretur sira halo enkontru loron tomak hodi deskute sira nia orsamentu privatibu nee, hanesan Ministeriu obras publiku ho nia estrutura halo dedkusaun ba sira nia orsamentu privatibu antes 30 de agostu neebe halo iha JL Vila.* Madalena Horta

Komentariu

Facebook Comments

Leave a Reply

Your email address will not be published. Required fields are marked *