Tan Deit Tolok, Aman Dada Oan Ba Tribunal

Tan Deit Tolok, Aman Dada Oan Ba Tribunal

- in Nasional
178
0
TTD1

DILI- Arguidu ho inisial AJ tenke ba hatan iha tribunal, tanba halo agresaun hasoru nia aman lezadu ho inisial JS.

Tuir akuzasaun husi Ministeriu Publiku neebe tribunal lee sai katak, arguidu hela hamutuk ho nia inan aman rasik, no mos dependensia ekonomia ba sira.Iha loron 8 fulan Fevereru 2015 oras tuku 17:00 iha Balide, lezadu toba hela iha kuartu laran, rona arguidu tolok, tanba nee lezadu sai mai hodi hase. Ho kondisaun lanu, bainhira lezadu tama ba iha kuartu laran, arguidu kaer ai bubur metan neebe uja ba musketeru, baku dala lima iha lezadu nia isin.

Konsekuensia husi arguidu nia hahalok nee Ministeriu Publiku akza arguidu hanesan autor ba krime violensia domestika ho forma ofensa integridade fisika simples neebe previstu iha artigu 145 kodigu pena, no lei violensia domestika numeru 07/2010.

Hatan ba faktus neebe iha, antes nee arguidu hili silensiu, maibe ikus mai arguidu nega ba faktus neebe iha.

Durante hau moris mai hau hela ho ferik hakiak, hau nia inan aman rasik dala ruma iha tempu, mak hau ba iha sira nia uma. Hau la lori tok ai baku lezadu ida, maibe lezadu mak foti ai baku uluk hau, depois hau tahan mak ai kona hau nia liman, hodi hau halai sai mai liur,”deklara arguidu iha sala julgamentu.

Audensia julgamentu nee, prezide husi Juiz singular Julmiati Freitas, Ministeriu Publiku reprezenta husi Prokurador Bartolomeo De Araujo, arguidu hetan asistensia legal husi Defensor Publiku Afonso Gomes. Notisia kompletu lee iha jornal STL edisaun Kinta, (07062018). Terezinha De Deus

Facebook Comments

Leave a Reply

Your email address will not be published. Required fields are marked *