Tan Deit Osan AD Hurlele ER

Tan Deit Osan AD Hurlele ER

- in Metro
20
0
TTD1

Dili- Arguidu ho inisial AD tenke hatan iha Tribunal, tanba hanorin lezada ho inisial ER ho liman, tanba deit osan atu fo ba lezada nia inan.

Iha loron 6 fulan Novembru 2017 lezada husu osan ba arguidu, atu fo ba nia inan tanba nia inan moras. Iha momentu neeba arguidu la fo osan ida, tanba nee halo lezada nervoju hodi koalia barak.

Arguidu rona lezada koalia barak, arguidu nervoju hodi halo agresaun, hasoru lezada.

Arguidu hanesan autor material ba krime violensia domestika ho forma ofensa integridade fisika simples neebe previstu iha artigu 145 husi Kodigu Penal.

Hatan ba akuzasaun nee, arguidu deklara katak, faktus balu loos no balu lalos.

Iha fatin hanesan, lezada mos haforsa tan akuzasaun neebe iha, maibe lezada dehan katak, agora sira diak malu ona.

Liu husi alegasaun MP hare katak, arguidu ho lezada diak malu ona, tanba nee MP husu ba iha Tribunal atu aplika pena Admoestasao. Enkuantu husi defeza mos aseita ho MP, husu Tribunal atu aplika pena Admoestasao.

Rona tiha husi parte rua, Tribunal adia hikas ba loron 19 fulan Novembro oras tuku 16:00 hodi rona leitura sentensa.

Audensia julgamentu nee, prezide husi Juis Singular José Maria, Ministeriu Publiku reprezenta husi Prokurador Bartolomeo de Araujo, arguidu hetan asistensia legal husi Defensor Publiku Joao Carvalho. Notisia kompletu lee iha jornal STL edisaun Kinta (08112018). Terezinha De Deus

Facebook Comments

Leave a Reply

Your email address will not be published. Required fields are marked *