Tama Relijiaun Seluk Fen-Laen Separadu

Tama Relijiaun Seluk Fen-Laen Separadu

- in Krime
700
0
TTD1

DILI-Tribunal Distrital Dili julga arguidu AS tanba, halo agresaun hasoru nia fen hanesan lezada neebe tama fali ba relijiaun seluk.

Tuir akuzasaun neebe tribunal lee sai husi ministeriu publiku katak, iha loron 1 Fulan Marco 2017 maizumenus iha tuku 7:00 otl lezada AF ho nia oan sira prepara atu ba missa.

Antes nee, sira forma uma-kain arguidu sempre baku lezada AF, tanba nee lezada ho arguidu hela separadu tiha, maibe sira nia relasaun lao nafatin. Iha Momentu nee, arguidu AF mos mai iha lezada sira nia uma.

Lezada AF mos prepara atu lori nia oan sira ba missa, maibe arguidu AS lahatan lezada AF lori nia oan sira ba missa. Tanba lahatan nia oan sira tuir lezada ba relijiaun neebe lezada tama ba, tanba familia husi arguidu nian mesak ema relijiaun Katolika.

Rona arguidu lahatan lezada lori nia oan sira ba misa, lezada mos dehan ba arguidu katak, nia sei lafila ba uma tanba arguidu sempre baku nia.

Ho lezada nia liafuan nee halo arguidu nervoju hodi tuku dala ida iha lezada nia hasan sorin, tuku dala ida iha ulun, tebe dala ida iha nia liman, tebe iha kabun mamar dala ida.

Konsekuensia husi arguidu nia hahalok nee, halo lezada hetan moras iha ulun, liman no kabun.

Ministeriu Publiku akuza arguidu hanesan autor material ho forma konsumada neebe komete iha krime violensia domestika ho forma ofensa ba integridade fisika simples neebe previstu iha artigu 145 kodigu penal Timor-Leste.

Hatan ba akuzasaun nee, arguidu konfesa katak faktus sira nee, balu loos no balu laloss.

Ami istori malu deit, maibe hau labaku nia. Agora mos ami lahela hamutuk ida, nia iha Inglaterra no laiha komunikasaun ona, tanba nia isin rua hola tiha mane seluk ona, maibe hau seidauk hola feto. Pas Domingo nia atu lori duni hau nia oan sira ba misa iha relijiaun neebe nia sarani tiha ba nee, mas hau lahatan hau nia oan sira ba, tanba ami nia familia mesak ema relijiaun katolika,”deklara arguidu iha Sala Audensia Tribunal Distrital Dili, Segunda, (17/10/2017).

Arguidu deklara tan, iha problema nee nia latuku lezada, maibe lezada hatais sapatu takaun tanba nee mak nia kois iha semente hodi monu. No arguidu diskuti malu ho nian, tanba lahatan nia oan sira atu tuir lezada ba misa, iha relijiaun neebe lezada tama ba, tanba sira nia familia mesak ema relijiaun katolika.

Rona tiha deklarasaun husi arguidu, tribunal adia fali julgamentu ba iha loron 30 Outubru tuku 3:00 hodi rona deklarasaun husi testamuna seluk.

Audensia julgamentu nee, prezide husi juiza singular Francisca Cabral, ministeriu publiku reprezenta husi prokurador Pedro Lopes, arguidu hetan asistensia legal husi defensor publiku Estaque Guterres. Terezinha De Deus

Komentariu

Facebook Comments

Leave a Reply

Your email address will not be published. Required fields are marked *