Tama Natal Dili Nakfila Fatin Lixu

Tama Natal Dili Nakfila Fatin Lixu

- in Metro
5559
0
Foer

DILI-Loron Natal 24-25 Sidade Dili nakfila fatin lixu, tanba lixu naklekara iha fatin-fatin. Liuliu husi area Largo Lesidere no dalan ninin sira nakonu ho lixu, tanba komunidade sira neebe laiha konsensia soe lixu arbiru.

Tuir Sebastiano da Silva nuudar juven hateten tempu natal Kapital Dili nia furak laiha, Sidade Dili nakfila fatin lixu, tanba komunidade kontinua soe lixu iha fatin arbiru.

Ita haree Kapital Dili nuudar sidade boot maibe haree tempu loron boot natal hanesan nee nia furak lakon nakfila ba fatin lixu,”hateten Sebastiano ba STL iha Largo Lesidere (25/12/2017).

Nia dehan nasaun sira seluk kuandu loron boot ema nia sidade mos no furak, maibe Nasaun Timor-Leste kuandu loron boot ema hotu laservisu entaun sidade Dili sai fatin lixu, fo imazen ladiak ba publiku.

Ita haree iha Largo Lesidere no dalan ninin husi tasi tolu too mai Bidau sente laos kapital maibe sai fali area rural, tanba lixu namkari iha fatin-fatin, halo Dili nia furak laiha liu,”hateten Sebastiano.

Nee duni, liu husi oportunidade ida nee hau sujere ba governu kuandu loron boot ekipa saniamentu troka malu kontinua dasa foer sira nee, tanba uanhira sira deskansa foer kontinua nakonu iha sidade laran.

Iha fatin hanesan Carmelita dos Santos nuudar juven dehan, Sidade Dili sente hanesan fali area ruras sira, tanba lixu namkari iha fatin hotu-hotu, sente laos Sidade Dili, imazen Dili lafurak hanesan loron bai-bain.

Ita haree sidade Dili hanesan iha foho, tanba ita haree loron Natal sente Dili sai fali fatin lixu, tanba lixu soe iha fatin-fatin, laos iha fatin ida deit maibe iha fatin horu-hotu lixu maka nakonu,” dehan Carmelita.

Nia dehan tuir lolos  Natal Sidade Dili  rame liu fali munisipiu sira seluk, maibe laiha sidade Dili nakfila sai fatin lixu, tanba nee husu ba governu kuandu tempu natal tenke tau matan ba saniamentu atu kontinu hamos Dili laran.

Tuir Observasaun neebe STL haree iha ternu katak Iha Dia 24 to 25 nomos 26 sidade Dili husi tasi tolu too mai Bidau lixu kontinua namkari iha dalan ninin, sente sidade dili nia furak la hanesan loron bai-bain. Jeniche da Costa

Facebook Comments

Leave a Reply

Your email address will not be published. Required fields are marked *