Suspeitu RA Kapturado

Suspeitu RA Kapturado

- in Politics
48
0
download

DILI- Opersaun neebe Polisia Nasional Timor-Leste (PNTL), liu husi Seksaun Invetigasuan Munisipiu Dili halo durante semana ida laran konsege kaptura autor rama ambon nain ualu (8), inklui autor rama ambon ida hana vitima Teofilo iha area Aimutin iha loron hirak liu ba.

Autor hirak nee, kaptura iha area neebe la hanesan, nain tolu (3) hanesan OS, JSX, no ZL kaptura iha loron Tersa feira (12/02) iha Suku Uailili, Munisipiu Baucau inklui mos prende ho evidensia, hanesan farda arte marisias hanesan Persaudaran Setia Hati (PSHT), bandeira PSHT, plamfeito PSHT, diman, fiska, rama ambon, katana, no mos besi musan neebe utiliza hodi tiru ema.

Enkuantu, autor nain lima (5) seluk, hanesan NB, LdRS, EBM, BCDC, JM polisia kaptura iha loron hirak liu, iha operasaun neebe mak halo husi patroliamentu.

Nunee mos  oras nee polisia konsege kaptura autor rama ambon hamutuk nain ualu (8), no detein ona iha sela komandu Munisipiu Dili hodi kumpri oras 72.

Hafoin hasoru malu ho detidu sira iha sala inkontru Komandu Polisia Munisipiu Dili, Komandante Jeral, Polisia Nasional Timor-Leste (PNTL), Komisariu Polisia, Julio da Costa Hornay, akompana ho Komandante Munisipiu Dili, Superintendente Xefe, Pedro Belo, no Segundu Komandante Munisipiu Dili, Superintendente Asistente Polisia, Euclides Belo relata katak, kazu ida akontese iha loron 4/02/2019 neebe hana vitima ida iha area Aimutin ninia resultadu, joven sira husi Baucau, no  halo atuasaun iha Dili depois investigador sira simu tiha mandadu, sira persege no ohin (red Tersa) sira lori ona mai iha nee (Dili), nunee mos ho evidensia sira hanesan Rama Ambon, Diman, katana, no mos fiska uja besi musan, no sira seluk.

Ekipamentu sira nee mak ita nia joven sira husi arte marsias uja hodi halo asaun hodi kria instabilidade iha kapital Dili,” hatete nia depois hasaru malu ho detidu sira iha sala inkontru Komandu Munisipiu Dili (KMD), Caikoli-Dili (12/02/2019)

Nia dehan, forsa seguransa ho ninia kompetensia tomak neebe lei fo sei halo atuasuan neebe mak forte hodi kombate no kaptura suspeito sira neebe mak involve an iha aktus krime ida nee. Notisia kompletu lee iha jornal STL edisaun Kuarta (13/02/2019) Ekipa STL

Facebook Comments

Leave a Reply

Your email address will not be published. Required fields are marked *