Suspeitu Deskonfia Fo Subornu MT, FP Despaisu Ezonera Kargu

Suspeitu Deskonfia Fo Subornu MT, FP Despaisu Ezonera Kargu

- in Nasional
247
0
Faustino Cardoso

DILI – Suspeitu ho inisial M D S 5 neebe deskonfia, fo subornu ba Ministru Turismu, agora dadaun komisaun funsaun publiko hatun ona despaisu, atu ezenora ka suspende kargu neebe nia hetan hanesan inspetor ba jogo.

Deklarasaun nee, hatoo husi Prezidente Komisaun Publika Faustinho Cardoso ba Jornalista sira iha nia knar fatin Kinta, (11/01/2018).

Komisaun hatun ona despaisu konaba eizonerasaun nee, bazeia ba pedidu husi Ministeriu Turismu aneksa ho justifikasaun, tanba saida mak ezonera nee, akompana konaba pratika irregular sira balu neebe maka akontese, konaba aktu indisiplinar sira balu neebe komete husi inspector jogos nian, neebe hare mos ba dekretu lei 25/ 2016 konaba rejime kargus diresaun xefia nian, liga mos ho lei estatutu funsaun publika nian, konaba deveres kodigu de etika neebe iha, ikus mai hetan nia baze ba iha ezonerasaun, ezonerasaun neebe maka halao iha nia baze legal, ”dehan Cardoso.

Nia relata tan, agora kabe ba iha Ministeriu Turismu atu bele nomea fali ema seluk asumi kargu ida nee, ensubstituisaun ba periodo fulan neen nia laran, konforme dekretu lei 25/2016. Ministru hatoo ba iha komisaun publika, no komisaun sei hatun despasu ba ezonerasaun neebe maka iha, maibe Ministru la iha kompetensia atu halo ezonerasaun, maibe iha kompetensia atu hato, komisaun maka sei hola desizaun.

Hatan konaba desizaun nee la bazeia ba invetigasaun, Cardoso hatan iha dekretu lei 25/2016 iha artigu 15 no 16 neebe define sirkunstansia sira neebe sai hanesan baze atu hapara ema ruma neebe asumi kargu diresaun no xefia, dehan sesasaun automatika no sesasaun eventual.

Iha fatin ketak, akademika UNTL Pedro Martins hateten, ema neebe halao hela servisu, komete iha subornu presiza halo investigasaun klean. Terezinha De Deus

Facebook Comments

Leave a Reply

Your email address will not be published. Required fields are marked *