Suspeitu 5 Negativu Corona

Suspeitu 5 Negativu Corona

- in Metro, Notisias Online
423
0
efbe2964-ec34-4c5f-bd7d-c8318dc61003

DILI –Timor oan nain 5 neebe deskonfia hetan virus Corona, rezultadu teste neebe Ministeriu Saude simu husi laboratoriu Australia hatudu negativu ka livre husi COVID-19.

Kestaun nee hatoo husi Vise Ministra Saude, Elia dos Reis Amaral Ministeiru liu husi konferensia imprensa, iha Palasiu Sinzas, Caicoli,Dili, Tersa (24/03/2020).

Ita simu ona rejultadu kazu ema suspeitu ba iha infesaun corona virus nain 5 nebe ita haruka amostra ba Australia hodi halo konfirmasaun ba teste neebe ita nia laboratorium nasional halo, grasa ba nai maromak, tanba rezultadu sai negative, Vise Ministra nee hatete.

Nia dehan, husi rezultadu ida nee signifika katak, pasiente ema nain 5 neebe sente sintomas, infesaun ba iha virus Corona sira hotu livre husi moras ida nee.

Ekipa medika neebe akompania no monitoriza pasiente nain 5 deside, ona atu fo alta ka liberta sira husi karentina.

 Tanba sira nia kondisaun diak, no rekopera ona husi sintomas kliniku.

Hau hakarak mos informa ba populasaun timor ona katak, TL neebe iha ona kazu ida neebe konfirmadu sabadu semana kotuk. Pasiente nee kontinua halo tratamentu mediku no nia kondisaun too agora ho kontinua estavel ona, dehan nia.

Nia dehan, hakarak apela ba populasaun tomak atu manetein kalma labele paniku. Partika hijene pesoal fase liman bebeik ho sabaun kada oras ida durante segundu 40. Labele kaer lima no mantein distansia ema ida ho metru 1, tein hahan ka naan tenke tasak didiak antes atu han.

Karik iha ema ruma maka ho sintomas hansan isin manas, mear no susar dada iis favor bele kontaktu linha aberta covid-19 ho numeru 119. Karik iha informasaun ruma kona ba ema neebe tama illegal no la halo karentina obrigatoriu favor kontaktu numeiru telefone 119.

Komisaun interministerial ba Virus Corona  halo esforsu makas hodi proteje  populasaun husi moras ida nee, tanba nee husu atu bele kolabora hamutuk hodi ita kontinua koopera hamutuk  halo prevensaun no kontrolu surtu Covid-19 iha TL, Vise Ministra nee hatete.

Nia relata, husi pasiente nain 5 nee, 1 husi Baucau, 2 husi izolamentu Suai no nain 2 seluk husi  izolamentu HNGV nian.

Reportajen: Domingas Soares

Komentariu

Facebook Comments

Leave a Reply

Your email address will not be published. Required fields are marked *